Marka 9:12 - Tedim Bible Revision 2017

¹² Jesu in, “Na khempeuh a bawl khol dingin Elijah hong pai masa takpi hi. Mihing Tapa in gimna tampi thuakin simmawhna ngah ding hi, ci-in Lai Siangtho in gen hi lo ahi hiam?

Tedim Bible

¹² Zeisu in, “Elijah hong pai masa takpi ding a, na khempeuh a bawl kik ding hi. Mihing Tapa in zong gimna tampi leh nialna a thuak ding ci-in Lai Siangtho sungah kigelh zo hilo ahi hiam?

Marka 9:12 Referans Kwoze

Isaiah 50:6

Hong satte, ka nung ka dawh a, ka khamul-in a hong kai mite, ka paang ka dawh hi. Maizumna le cilphihna panin ka maitang ka hei kei hi.

Isaiah 52:14

Mi tampite in amah lamdang sa uh hi. Mihing a bang nawn lo zah dongin nakpi takin a mai sia a, mihing a sun nawn lo zah dongin a mel a sia hi.

Luka 23:11

Tua ciangin Herod le galkapte in Jesu zahko-in simmawh bawl uh a, kumpi puan tualpi a silhsak khit uh ciangin Pilat kiangah a puakkik uh hi.

Isaiah 49:7

Israel a honpa le ama Siangtho Pa ahi Topa in nakpi takin simmawhna a thuak, minamte in a muhdah, gam ukteʼ nasem pa tungah: “Nangmah a hong teel Israel-teʼ Siangtho Pa, a thuman Topa’ hangin mite na hotkhiatna thu kumpite in a muh uh ciangin zahtakna tawh na mai ah hong ding ding uh a, na mai ah uliante hong kun ding uh hi,” hong ci hi.

Zekhariah 13:7

“Namsau aw, ka tuucingpa a su dingin kipan inla, kei tawh nasem khawm pa langpang in. Tuucingpa sat in. Tuute kithehthang dinga, ka tuute gim ka pia ding hi.

Luka 1:76

“Nang, ka tapa na hi a, Lianpen Pasianʼ kamsang pa hong kici ding hi. Ama pai nading lampi a bawl khol dingin Topaʼ mai ah na mapai ding hi.

Malakhi 4:6

Amah in pate le tate lemtuah in a kilemsakkik ding hi. Tua bang hikeileh keimah hong pai-in na gam khempeuh uh ka susia gawp ding hi,” ci hi, a ci hi.

Luka 23:39

Amah tawh a kikhai khawm mi that pa khat in zong Jesu zahko a, “Nang Khris hi lo na hi hiam? Nangmah kihon khia inla, tua ciangin kote zong hong hon khia in,” a ci hi.

Mattiu 26:24

Mihing Tapa ahihleh Lai Siangtho sungah a kigelh sa mah bangin a si ding ahi hi; ahi zongin Mihing Tapa a lehhek pa in gimna thuak ding hi. Tua mipa pen a piang vet lo hileh ama adingin hoih zaw ding hi,” a ci hi.

Mattiu 16:21

Tua hun a kipanin Jesu in a nungzuite kiangah, “Jerusalem khua ah ka pai ding hi. Upate, siampi liante le Thukham hilh siate tung panin gimna tampi ka thuak ding hi. Kei hong kithat dinga, ni thum ni-in hong kihingkiksak ding hi,” ci-in teltakin gen a kipan hi.

Zekhariah 11:13

Tua ciangin Topa in kei kiangah, “Biakinn sumkoihna sungah tuate koih in,” hong ci hi. Tua ciangin kei zong, kei tawh kituakin tam a sak mahmah uh tua dangka sawm thum la-in biakinn sumkoihna sungah ka koih hi.

Late 74:22

Pasian aw, tho inla, nangma thu ah hong pang in. Dawibia mite in sun tawntungin nang a hong thusim lohna hong phawk ta in!

Marka 9:13

Ahi zongin keʼn kong cih in ah, Elijah hong pai khin takpi a, Lai Siangtho in ama thu a gen sa mah bangin mi pawl khatte in a ututun amah a bawl uh hi,” ci-in a dawng hi.

Marka 9:31

Bang hang hiam cih leh a nungzuite kiangah thu hilh a, “Mihing Tapa, mihingteʼ khut sungah kipia-in amaute in that ding uh a, ahi zongin ni thum khit ciangin hingkik ding hi,” a ci hi.

Marka 10:33

“Na ngai un. Tu-in Jerusalem khua ah a pai to ding ihi hi; tua lai mun panin siampi liante le Thukham hilh siateʼ khut sungah Mihing Tapa kipia ding hi. Amaute in a sih nadingin thu a khen khit uh ciangin Gentail miteʼ khut sungah a ap ding uh hi.

Sawltak 1:6

Tua bangin Jesu tawh a om khawm laitakun sawltakte in Jesu kiangah, “Topa aw, tutungin Israel minamte tungah ukna aana na piakik ding hiam?” ci-in a dot uh ciangin

Sawltak 4:11

Lai Siangtho in, ‘No innlamte in na nilkhiat uh suangtum pen innkiu suang bulpi a suak hi,’ ci-in a gen pen hih Jesu ahi hi.