Marka 9:10 - Tedim Bible Revision 2017

¹⁰ Ama cih mah bangin im uh a, ahi zongin, “Sihna panin thokik,” a cih bang a cihnopna hi ding ahi hiam, ci-in a lungsim sung uh ah a ngaihsun uh hi.

Tedim Bible

¹⁰ Amaute in a lungsim sung uh ah hih thu a khol uh a, sihna pan a thawhkik nading thu in bang cihnopna ahi hiam ci-in khat leh khat a kidong uh hi.

Marka 9:10 Referans Kwoze

Sawltak 17:18

Epikuras thu ngaihsutzia le Stoik thu ngaihsutzia a um mite pawl khat, Paul tawh thu kinial uh a, “Hih mi kipilsak thu mawk gengen pa in bang gen nuam ahi hiam?” cih san uh a, pawl khat in, “Minam dangteʼ pasian thu a gen tawh kibang hi,” a ci uh hi. Paul in Jesu thu le a thawhkikna thu hilh ahih manin hih bangin a gen uh ahi hi.

Johan 12:16

Tua hun laitakin a nungzuite in hih thu a khiatna thei lo uh hi. Ahi zongin Pasianʼ pianzia nei-in Jesu a thawhkik khit ciangin Lai Siangtho in amah a gen ahihna le ama adingin hih bangin a piang ahihna thu a nung phawk uh hi.

Marka 9:32

A nungzuite in hih ama thuhilhna thei lo uh a, ahi zongin amah dong ngam lo uh hi.

Mattiu 16:22

Tua ciangin Peter in Jesu paikhiatpih a, “Topa aw, hih bangin Pasian in piangsak kei hen. Nang tungah hih bang piang thei ngei peuhmah lo ding hi,” ci-in a taii bawl hi.

Piancilna 37:11

A sanggamte in amah haza uh a, ahih hangin a pa in hih thute a ciamteh hi.

Marka 9:9

Mual tung panin a pai suk kawmun Jesu in amaute kiangah, “Sihna panin Mihing Tapa a thawhkik matengin hih na muhte uh kuama kiangah gen kei un,” ci-in a kham hi.

Marka 9:11

Tua ciangin Jesu kiangah, “Bang hangin Thukham hilh siate in, Elijah hong pai masa ding, ci uh ahi hiam?” ci-in a dong uh hi.