Marka 8:6 - Tedim Bible Revision 2017

⁶ Tua ciangin Jesu in leilak ah mihonte tusak a, a anlum sagih la-in Pasian tungah lungdamna a koh khit ciangin balnenin, mihonpite a lui dingin a nungzuite tungah a pia hi. A nungzuite in zong mihonte a lui uh hi.

Tedim Bible

⁶ Tua ciangin Zeisu in, “Mihonpi lei tungah tusak un,’ ci-in a sawl hi. Tua ciangin khomun sagih la a, hehpihna a phat khit ciangin, khomun balnenin mite mai-ah lui dingin a nungzuite a pia hi. A nungzuite in mihonpi a lui uh hi.

Marka 8:6 Referans Kwoze

Kolose 3:17

Na kampauna, na gamtatnate khempeuh uh ah, Topa Jesu hangin Pa Pasian tungah lungdam kohna-in Jesu min paulamin na hih ding uh hi.

ROM (Romans) 14:6

Ni khatpeuh thupi diak hi, ci-in a tang mite in Topa a pahtawina-in a tang ahi uh hi. An khempeuh a ne mi in zong Pasianʼ tungah lungdamna ko-in ne uh ahih manin Topa a pahtawina mahin a ne uh ahi hi. Nek dingin kilawm lo hi, ci-in a ne lo mite in zong Pasian tungah lungdamna mah ko ahih manin Topa a pahtawina mahin a ne lo uh ahi hi.

Johan 6:23

Ahi zongin Tiberias khua panin gunkuang dang tampi hong pai a, Jesu in lungdamna a koh khit ciangin an a nekna uh munah hong tung uh hi.

Johan 2:5

Ahi zongin Jesuʼ nu in nasemte kiangah, “Ama hong gen bangbangin gamta un,” a ci hi.

Luka 24:30

Amaute tawh an ne dingin a tut ciangin Jesu in anlum la a, Pasian tungah lungdamna a koh khit ciangin balnenin amaute a pia hi.

Luka 12:37

A topa hong ciah ciangin a kiging sa-in amah ngakin a om uh a muh nasemte pen mi hampha mahmah ahi uh hi. Note kiangah kong genin ah, a topa zong hong kithawi-in a nasemte an vak dingin tusak dinga, a mahmah in a nasemte an thukin na a sem ding hi.

Mattiu 26:26

Tua bangin an a nek laitakun, Jesu in anlum la-in lungdamna a koh khit ciangin balnen a, a nungzuite kiangah pia-in, “La unla ne un; hih pen ka pumpi ahi hi,” a ci hi.

1 SAMUEL MASA 9:13

Khuapi sung na lut phetun mual tunga biakna ah an ne dingin a pai ma-in amah na mu ding uh hi. Amah in biakpiakna thupha pia ding ahih manin ama pai mateng mite in an ne lo ding uh hi. Thupha a piak khit ciangin a kisam mite in ne thei pan uh hi. Tu-in pai to un; bang hang hiam cih leh amah na tuak pah ding uh hi,” a ci uh hi.

Marka 8:5

Jesu in, “Anlum bangzah nei na hi uh hiam?” ci-in a dot leh, “Sagih nei ung,” ci-in a dawng uh hi.

Marka 8:7

Ngasa neu tawm khat zong nei uh ahih manin Pasian tungah lungdamna a koh khit ciangin hihte zong mipite mai ah a lui nadingun a nungzuite a sawl hi.

Marka 8:20

“Mihing tul lite adingin lum sagih ka balnen lai-in a khamval uh paipel lian bangzah dim khawm na hi uh hiam?” a cih leuleu ciangin, “Sagih,” a ci uh hi.