Marka 8:35 - Tedim Bible Revision 2017

³⁵ Hih a leitung nuntakna a hu nuamte in a nuntakna bulpi nangawn tawh suplawh dinga, keima hang le lungdamna thu hangin a nuntakna a suplawhte in a nuntakna bulpi hu zo ding hi.

Tedim Bible

³⁵ Bang hang hiam na cih uh leh, ama nuntakna a gum nuamte in a nuntakna a mangthangsak ding hi. Kei hang ahi zongin, Lungdamna Thu hang ahi zongin nuntakna a mangsakte in a nuntakna a gum ding hi.

Marka 8:35 Referans Kwoze

1 KORIN MASA 9:23

Hih bangin ka gamtatna pen amaute tungah Lungdamna Thu ka tut theih nading le keima nasep hoihtakin ka sep theih nading ka deihna ahi hi.

2 TIMOTI NIHNA 1:8

Tua ahih manin i Topaʼ thu gen nading thu ah ahi a, ama thu hangin thong a kia keima thu ah ahi zongin maizum het kei in. Pasian in nangma tungah thahatna hong pia ahih mah bangin Lungdamna Thu hangin thuakna ah zong a thuak nuam hizaw in.

Luka 17:33

A nuntakna a hu nuamte in a nuntakna bulpi taanlawh dinga, a nuntakna a taanlawhte in a nuntakna bulpi hu zo ding hi.

Mattiu 16:25

Hih a leitung nuntakna a hu nuamte in a nuntakna bulpi nangawn tawh suplawh dinga, keima hangin hih a leitung nuntakna a suplawhte in a nuntakna bulpi hu zo ding hi.

Mattiu 19:29

Keima hangin a inn, a sanggam numei, a sanggam pasal, a nu, a pa, a tate, a leitang, khat peuhpeuh a nusiate in a zah za khat ngahkikin, nuntak tawntungna zong a ngah ding uh hi.

Mattiu 10:39

Hih leitung nuntakna a hon nuamte in a nuntakna taktak taanlawh dinga, keima hangin a nuntakna a taanlawhte in a nuntakna taktak a ngah ding uh hi.

2 KORIN NIHNA 12:10

Kei ka thaneem mahmah laitakin a thahat mahmah suak ka hih manin Khris hangin ka thaneemna, simmawh ka thuakna, haksatna, bawlsiatna le lungkhamna ka thuaknate tawh ka lung a kim mahmah hi.

Sawltak 9:16

Keima hangin a thuak ding thu khempeuh zong, kei mahmah in ama tungah ka gen ding hi,” a ci hi.

Luka 9:24

Hih leitung nuntakna a hu nuamte in a nuntakna bulpi nangawn tawh suplawh dinga, keiʼ hangin a nuntakna a suplawhte in a nuntakna bulpi hu zo ding hi.

Mangmuhna 12:11

I sanggamte in Tuuno sisan le thuman a genna uh tawh amah na zo uh a, a nuntakna nangawn uh na pia ngam uh hi.

Mattiu 10:22

Keima hangin Gentail mi khempeuh in note hong mudah ding uh hi. Ahi zongin a tawp dongin a thuak zo mite in hotkhiatna a ngah ding uh hi.

Mangmuhna 2:10

Na thuak ding uh haksatnate kihta kei un. Dawimangpa in note pawl khat thong sungah hong khia-in hong ze-et ding hi. Gimna na thuak hun ding uh ni sawm sung bek hi ding hi. Na sih dongun kei tungah hong citak un. Tua hileh nuntakna lukhu kong pia ding hi.

Sawltak 21:13

Ahi zongin Paul in, “Bang hangin hih bangin kapin ka lungsim a tapkhap nadingin gamta na hi uh hiam? Jerusalem khua ah khihcipna a thuak ding bek hi loin, Topa Jesu hangin a si ding ciang dongin a kithawi sa ka hi hi,” ci-in a hong dawng hi.

Mangmuhna 7:14

“Ka thei kei hi, topa aw. Nangmah in na thei zaw ding hi,” ka ci hi. Tua ciangin amah in keima kiangah, “Hih mite pen bawlsiatna lianpi thuakin a hong suakta mite ahi uh hi. Amaute in a puan uh sawp siangin Tuuno sisan tawh a paaksak uh ahi hi.

Hebru 11:35

Numeite in a sihsuah mite uh, thawhkikna tawh a ngahna uh zong a upna uh hang mah ahi hi. Mi pawl khatte in a hoih zaw nuntakna ah a thawhkik theih nadingun leitungah suahtak ding ut tuan loin bawlsiatna thuakin a si uh hi.

Sawltak 20:24

Ahi zongin Topa Jesu in kei sep dingin a hong piak, Pasian hehpihna hangin Lungdamna Thu, mite kiangah gen ding nasep ka tangtut zawh nakleh kei nuntakna ah bangbang hong piang taleh a thupi-in ka ngaihsun kei hi.

Marka 8:36

Mi khatpeuh in hih leitung khempeuh a ngah hangin a nuntakna bulpi suplawh leh bang phattuamna om ahi hiam?

Thuhilh-sia 3:6

Zonʼ hun om a, mansuah hun om hi. Kep hun om a, paihkhiat hun om hi.