Marka 8:33 - Tedim Bible Revision 2017

³³ Ahi zongin Jesu kihei-in a nungzuite a et kawmin Peter lehtaii a, “Satan aw, ka nungah om in. Nang in Pasianʼ ngaihsut bangin thu ngaihsun loin, mihingʼ ngaihsut bangin na ngaihsun hi,” a ci hi.

Tedim Bible

³³ Zeisu kihei a, a nungzuite a muh ciangin, “Satan aw, ka nungah kinkhia in; nang in Pasian thu na ngaihsun kei hi, mite thu bek na ngaihsun hi,” ci-in Piter a taai hi.

Marka 8:33 Referans Kwoze

Mattiu 4:10

Jesu in, “Satan aw, tai khia in. Lai Siangtho in, ‘Na Topa Pasian bek bia inla, ama na bek sem in,’ ci hi lo ahi hiam?” ci-in a dawng hi.

1 JOHAN MASA 2:15

Hih leitung nate le Pasian tawh a kizom lo thute deih luatin nei kei un. Mi khatpeuh in hih leitung nate a deih luat leh amah in Pa Pasian it taktak thei lo hi.

Filippi 3:19

Amaute in amau pumpi deihnate Pasian zahin ngaihsun uh a, a maizum nading uh thute ah kisial zawsopin, leitung nate bek ngaihsutin nei uh ahih manin Hell khuk sung a tung ding uh ahi hi.

Mangmuhna 3:19

Ka it mite thuhilhin ka taii hi. Tua ahih manin lungsim tak tawh na mawhna panun kisikkik un.

Late 141:5

Mipha pa kei hong vuasak inla, ahih hangin migilote ka lu sathau nilhsak kei in; bang hang hiam cih leh amauʼ gitloh gamtatnate nakpi takin langpangin thu ka ngenngen hi.

1 PETER MASA 4:1

Khris in ama pumpi-in thuak ahih manin note in zong tua bang lungsim mah nei-in na kithakhauhsak ding uh ahi hi. Bang hang hiam cih leh pumpi-in a thuak mite peuhmah, mawhna tawh kisawh kha nawn lo uh hi.

1 TIMOTI MASA 5:20

A khial takpi upa a om leh upa dangte a lau theih nadingin a lawmte mai ah tua a khial pa taii-in thuhilh in.

1 KORIN MASA 5:5

Topaʼ Ni hong tun ciangin tua bang miteʼ kha in hotkhiatna a ngah theih nadingin Satan in amau pumpi a gimsak dingin na pia khia ta un.

Luka 22:61

Jesu zong kihei-in Peter hong en a, “Tu ni-in ak a khuan ma-in thum vei nong nial ding hi,” ci-in Topaʼ kampauna thu Peter in hong phawk vat hi.

Marka 3:34

Ama kimkot ah a tu mite en a, “Hih lai ah ka nu le ka sanggamte om uh hi.

Marka 3:5

Jesu in hehmai tawh a kiim a pam en kawikawi a, ahi zongin a khialhna uh le a thuphawk theih lohna uh hangin mite khasiathuai a sa zel hi. Tua ciangin a mipa kiangah, “Na khut zan in,” a ci hi. Amah in zong a khut zan a, damin a ngeina bangkik hi.

Mattiu 15:23

Ahi zongin Jesu in kam khat beek paupih lo hi. Tua ciangin a nungzuite in Jesu kiangah, “Hih nupi i nung zui-in kikoko ahih manin a ciah nadingin sawl in,” ci-in a thum uh hi.

2 SAMUEL NIHNA 19:22

Ahih hangin David in, “Note pen tu ni-in keiʼ lang bangin na om nadingun no Zeruiahʼ tapate tawh kei bang kisai ihi hiam? Tu ni-in Israel sungah mi khatpeuh kithat ding ahi hiam? Bang hang hiam cih leh tu ni-in Israel-teʼ tungah kumpi ka hihna thei hi lo ka hi hiam?” a ci hi.

Siampi Laibu 19:17

“Note in na lungsim sung uh ah na sanggampa uh na mudah kei ding uh a, na veengte uh tawh thu na kituah lohna uh kikum khawmin na siangsak ding uh hi; tua hikeileh ama hangin khialhna na pua ding uh hi.

Titu 1:13

Hih ama thugen a man mahmah ahi hi. Tua ahih manin thu upna man nei thei-in,

Luka 9:55

Ahi zongin Jesu kihei-in amaute a taii hi.

Luka 4:8

Jesu in, “Lai Siangtho in, ‘Topa Pasian na bia inla, ama na bek sem in,’ ci hi lo ahi hiam?” ci-in a dawng hi.

JOB (Job) 2:10

Ahih hangin amah in a zi kiangah, “Numei haiteʼ kampau bangin na pau hi. Pasianʼ tung panin a hoih sang ihih ciangin siatna zongsang lo ding ihi hiam?” a ci hi. Hih thu khempeuh ah a kampau nangawnin Job khial lo hi.

Mattiu 16:23

Ahi zongin Jesu kihei-in Peter kiangah, “Satan aw, ka nungah om in. Hih na ngaihsutnate Pasianʼ ngaihsutna hi loin mihingteʼ ngaihsutna ahih manin ka lam a hong khaktan ding a suak hi,” a ci hi.