Marka 8:32 - Tedim Bible Revision 2017

³² Hih thu a kitel takin amaute kiangah a gen hi. Peter in Jesu paikhiat pihin, “Hih bangin thu gen kei in,” ci-in a taii hi.

Tedim Bible

³² Tua thu im loin a gen khin hi. Piter in Zeisu samsim a, seel ding a kipat ciangin,

Marka 8:32 Referans Kwoze

Mattiu 16:22

Tua ciangin Peter in Jesu paikhiatpih a, “Topa aw, hih bangin Pasian in piangsak kei hen. Nang tungah hih bang piang thei ngei peuhmah lo ding hi,” ci-in a taii bawl hi.

Johan 16:25

“Tu hun ciang dong hih thute thu gentehna zangin kong gen hi. Ahi zongin thu gentehna ka hong zat nawn loh hun hong tung dinga, tua hun ciangin a teltakin Pa Pasianʼ thu kong gen ding hi.

Johan 16:29

Tua ciangin a nungzuite in, “Tu-in thu gentehna zang nawn loin a kitel takin thu na hong gen hi.

Johan 18:20

Jesu in, “Mi khempeuhʼ theihin thu ka gen tawntung hi. Jew mihonpi a kikhopna innte le Biakinn sungah thu ka hilh a, thu ka sim genna omngei lo hi.

Luka 10:40

Martha bek in na semin manlah mahmah ahih manin a heh suak a, “Topa aw, ka naunu in kei bek na hong sepsak niloh phamawh sa lo na hi hiam? Kei hong huh nadingin hong sawl in,” a ci hi.

Marka 4:38

Jesu pen gunkuang nung lamah lukham khamin ihmu-in a om hi. A nungzuite in amah phongin, “Sia aw, kote si tale ung phamawh hong sa lo na hi hiam?” a ci uh hi.

Johan 10:24

Jew mihonte ama kiangah hong kikhawm uh a, “Thu kitel loin bang tanvei koih hong sawm na hi hiam? Khris na hih leh zong teltakin hong gen in,” ci-in a dot uh ciangin

Johan 11:14

Tua ahih manin Jesu in a teltakin gen a, “Lazaras si khinta hi.