Marka 8:22 - Tedim Bible Revision 2017

²² Tua ciangin Bethsaida khua tung uh hi. Mi pawl khat in Jesu kiangah mittaw khat hong paipih uh a, amah a lawn nadingun a thum uh hi.

Tedim Bible

²² Amaute in Bethsaida khua-ah a tun’ uh ciangin, mittaw mi khat a kiangah hong paipih uh a, tua pa a lawn’ nadingin a thuum uh hi.

Marka 8:22 Referans Kwoze

Mattiu 11:21

“Khorazin khuapi mite le Bethsaida khuapi mite aw, gimna lianpi na thuak ding uh hi. Bang hang hiam cih leh note khua sungah a hong kilak nalamdangte, Taia le Sidon khua sungah kilak hileh amaute in kisikna limin sawtpekin puanhampi silhin vut kinuh ding uh hi.

Marka 6:45

Tua khit phetin Jesu in a nungzuite gunkuang ah tuangsakin, a gal khat a om Bethsaida khua ah ma paisak a, amah in mihonte a khua ciatah a ciah dingin a sawl hi.

Luka 10:13

Tua ciangin Jesu in, “Khorazin khuapi mite le Bethsaida khuapi mite aw, gimna lianpi na thuak ding uh hi. Bang hang hiam cih leh note khua sungah a hong kilak nalamdangte, Taia le Sidon khua sungah kilak hileh amaute in kisikna limin sawtpekin puanhampi silhin vut kinuh ding uh hi.

Johan 12:21

Galilee gam Bethsaida khuami Filip kiangah amaute hong pai-in, “Sia aw, kote in zong Jesu ka mu nuam uh hi,” ci-in a gen uh ciangin

Johan 1:44

Filip pen Andru le Peterʼ teenna Bethsaida khuami mah ahi hi.

Marka 2:3

mihing li in Jesu kiangah khutlekhe zaw mi khat a paipih dingin hong pua uh hi.

Mattiu 8:15

Jesu in ama khut va lawnsak hi. A natna dam pah a, amah zong tho-in a zinte a do zo pah hi.

Mattiu 9:29

Tua ciangin Jesu in amauteʼ mit lawnsak a, “Na upna uh tawh kizui-in note tungah hong piang tahen,” a ci hi.

Mattiu 8:3

Jesu in zong a khut zanin tua mipa lawng a, “Ka hong damsak nuam hi; dam ta in,” a cih khit phetin a phakna a dam pah hi.

Luka 9:10

Sawltakte a khualzinna panun a hong tunkik uh ciangin a sepna teng uh Jesu kiangah a gen uh hi. Jesu in zong amauteng bek a om theih nadingun amaute sam khia a, Bethsaida khua lamah a paipih hi.

Mattiu 14:36

Ama puan mongteep beek a lawnkhak theih nadingun Jesu kiangah ngen uh a, a puan mongteep a lawng mi khempeuh in damna a ngah uh hi.

Marka 3:10

Amah in cina mi tampi damsak khin ahih manin, Jesu a lawn theih nadingun cina khempeuh in amah hong naih ciat uh hi.