Marka 8:2 - Tedim Bible Revision 2017

² “Hih mite, kei kiangah ni thum bang hong om khin uh a, tu-in nek ding nei nawn lo uh ahih manin hehpihhuai ka sa hi.

Tedim Bible

² “Hih mite hehpihhuai ka sa hi. Bang hang hiam na cih uh leh, ni thum tawntung kei tawh a omkhawm uh hi. An nek ding a nei kei uh hi.

Marka 8:2 Referans Kwoze

Mattiu 9:36

Mihonte a muh ciangin, a cing nei lo tuu hon bangin gimna ngahin lungkhamin om uh ahih manin hehpihhuai a sa hi.

Micah 7:19

Kote nong khasiatkik dinga, ka mawhnate uh hong sawp khiatsakin, tuipi taw ah nong paihsak ding hi.

Late 145:15

Nuntak husanna a nei khempeuhteʼ mit in nang hong en uh a, a hun a tun ciangin amaute an na vak hi.

Late 103:13

Pa in tate a hehpih bangin Topa in amah a zahtakte hong hehpih hi.

Hebru 5:2

Amah zong lam tampi ah a gina lo thei mi mah ahih manin thu thei lo mite le a khial mite tungah lungnem takin na sem thei hi.

Hebru 4:15

Eiteʼ neih Siampi Lianpen pa in i ginat lohna ah eite a hong hehpih thei lo ding hi lo hi; eite mah bangin ze-etna khempeuh a thuak hi a, ahi zongin mawhna a bawl lo ahi hi.

Luka 15:20

Tua ahih manin amah kithawi-in a pa kiangah a ciahkik dingin a pai hi. Ahi zongin inn a tun ma-in a pa in na gal muh a, hehpihhuai sa mahmah ahih manin va delhin, a tapa ngawng kawi-in a nam hi.

Luka 7:13

Topa in tua meigongnu a muh ciangin a khasiat suak a, “Kap kei in,” ci-in a khem hi.

Marka 9:22

A sih nadingin meikhuk sung le tui sungah tam veipi puksak zo hi. Na hih theih leh kote hong hehpih inla hong huh in,” ci-in a dawng hi.

Marka 6:34

Jesu, tui gei a tun ciangin mi tampi a na om khin mu a, amaute, a cing om lo tuute tawh kibang sa ahih manin a khasiat mahmah hi. Tua hi a, amaute thu tampi tak a hilh hi.

Marka 5:19

Ahi zongin Jesu in amah zuisak lo a, “Na innkuanpihte kiangah ciahkik inla, Topa in nang a hong hehpihna le nangma tunga a hong bawlnate va gen in,” ci-in a sawl zaw hi.

Marka 1:41

Jesu in hehpihhuai sa ahih manin a khut zanin lawng a, “Nang kong damsak nuam hi,” a ci hi.

Mattiu 20:34

Jesu in amaute hehpihhuai sa ahih manin a mit uh lawnsak a, thakhat thu-in a mit un khua a mukik pah hi. Tua ciangin amau tegel in zong Jesu nung a zui pah uh hi.

Mattiu 14:14

Tui gei ah Jesu a tun ciangin mihon tampi a na om a mu hi. Amaute hehpihhuai sa a, a cinate a damsak hi.

Late 145:8

Topa dikin hehpihna nei a, heh hak mahmah in itna kip lianpi a nei hi.

Hebru 2:17

Tua ahih manin mihingteʼ mawhna a kimaisak theih nadingin Pasianʼ na a sepna ah mite adingin hehpihna le cihtakna tawh Siampi Lianpen a suah theih nadingin a sanggamte tawh a kibangin mihing lim a hong puak ding a kisam ahi hi.

Marka 6:32

Tua ahih ciangin gunkuang tuangin gamdaihna mun a zuan dingin a pai uh hi.

Marka 8:3

Amaute pawl khat gamlapi panin a hong pai uh ahih manin gil kialin ciahsak leng, lamkal ah cimawh kha ding uh hi,” a ci hi.

1 KUMPI MASATE 19:6

Amah khuadak a, ama lutang gei suang sa tungah a ki-em moh khat le tui hai khat na om hi. Amah in tuate ne-in dawnin lumkik hi.