Marka 8:17 - Tedim Bible Revision 2017

¹⁷ Jesu in amaute thugen thei ahih manin amaute kiangah, “Anlum na neih loh manun bang hangin thu kikum na hi uh hiam? Theithei nai lo, tel thei nai lo na hi uh hiam? Na lungsim uh tua zahin navak lo ahi hiam?

Tedim Bible

¹⁷ Zeisu in a theih ciangin, “Note in khomun na neih loh manun bang hangin khat leh khat na kikum uh hiam? Thei lo lai ngaihsun lo lai na hi uh hiam?

Marka 8:17 Referans Kwoze

Marka 6:52

Bang hang hiam cih leh lungsim navak lo uh ahih manin anlum tawh kisai thupiang tel thei lo uh hi.

Marka 2:8

Jesu in a lungsim sung uh a amau ngaihsutna thei pah ahih manin amaute kiangah, “Bang hangin tua bangin ngaihsun na hi uh hiam?

Isaiah 63:17

Topa aw, kote in nang kong kihtak loh theih nadingun bang hangin na lampi panin kote hong pialsakin ka lungsim uh khauhsak na hi hiam? Nangma nasemte, nangma luah minamte na ngaihsutna-in hong kiheikik in.

Marka 3:5

Jesu in hehmai tawh a kiim a pam en kawikawi a, ahi zongin a khialhna uh le a thuphawk theih lohna uh hangin mite khasiathuai a sa zel hi. Tua ciangin a mipa kiangah, “Na khut zan in,” a ci hi. Amah in zong a khut zan a, damin a ngeina bangkik hi.

Mangmuhna 2:23

Tua numeiʼ thu a zui mi khempeuh ka that ding hi. Tua hileh, mihingteʼ ngaihsutna le lungsim a kantel pa ka hihna thu pawlpi khempeuh in thei ding uh hi. Noteʼ gamtatna ciat tawh kizui-in ka hong thukkik ding hi.

Johan 21:17

Jesu in a thum veina dong leuleu a, “Johanʼ tapa Simon aw, kei na hong it hiam?” a cih ciangin, “Kei na hong it hiam?” ci-in thum vei tak a dotna hangin Peter zong a dah suak hi. Tua ahih manin, “Topa aw, nangmah in na khempeuh na thei a, nangmah ka hong itna thu zong na thei hi,” ci-in a dawn ciangin Jesu in, “Ka tuute na kem in.

Johan 16:30

Tu-in na khempeuh na theih khitna thu ka phawk uh a, ka theihnop uh thute kote in ka hong dot ding uh zong kisam nawn lo ahih manin Pa kiang panin a hong pai na hihna thu ka hong um uh hi,” a ci uh hi.

Luka 24:25

Tua ciangin Jesu in amau tegel kiangah, “Bangzah takin hai a, bang dingin kamsangteʼ thugen um thei lo na hi uh hiam?

Marka 16:14

(Tua khit ciangin a tawpna ah, an a nek laitakun nungzui sawm le khatte mahmah kiangah a kilang hi. A kithawhkiksak khit ciangin amah a mu miteʼ thugen um lo uh ahih manin a lungkhauhna uh le a up lohna hangun amaute a taii hi.

Mattiu 15:17

Kam sungah a tum sukte pen gil sung tawnin tua panin paikhia suak hi lo ahi hiam?

Mattiu 12:15

Jesu in amah a kisawmna thu a theih ciangin tua mun panin a paikhia hi. Mi tampi in amah hong zui uh hi. Amah in cina mi khempeuh damsak a,

Mattiu 16:7

Tua ciangin nungzuite in, “Anlum i puak mangngilh manin hih thu hong gen hi ding hi,” ci-in amaute khatlekhat a kikum uh hi.

Marka 8:16

Anlum i neih loh manin hih thu hong gen hi ding hi, ci-in a nungzuite a kikum uh hi.