Marka 8:11 - Tedim Bible Revision 2017

¹¹ Farisi mite hong pai-in Jesu tawh thu kinial uh a, amah a mawhsak theih nading uh a deihna-in Pasian tawh kipawl ahihna a lah nadingin lim khat a lah ding a ngen uh hi.

Tedim Bible

¹¹ Tua lai takin Farisaite hong pusuak uh a, Zeisu tawh thu a kinial uh ciangin, ze-et nadingin vantung pan lim a ngen uh hi.

Marka 8:11 Referans Kwoze

1 KORIN MASA 10:9

Amaute pawl khat bangin Topa i ze-et kei ding hi. Gul in amaute na tu lum hi.

Mattiu 12:38

Tua ciangin Thukham hilh siate le Farisi mi pawl khat in Jesu kiangah, “Sia aw, nalamdang khat nong lah ding ka deih uh hi,” ci-in a ngen uh hi.

Malakhi 3:15

I muhna bang leh, mi kiphasak teng mah in thupha ngahin nuamsa uh hi. Mi gamtat siate ahihleh cithei bek loin, a gamtat siatnate uh tawh Pasian ze-et napi-un bangmah tuak se lo uh hi,’ na ci uh hi,” a ci hi.

Thu-hilhkikna 6:16

“Massah munah amah na ze-et uh bangin Topa na Pasian uh na ze-et nawn kei ding uh hi.

Johan 4:48

Jesu in ama kiangah, “Note in lim le nalamdang lian ka bawl na muh kei uh leh Topa ka hihna thu na hong um kei ding uh hi,” a cih ciangin

Luka 11:16

Mi pawl khat leuleu in amah a ze-etna-in, Pasianʼ thukimpihna a kilat nadingin nalamdang a bawl ding a ngen uh hi.

Paikhiatna 17:7

Israel miteʼ mawh zonna le amaute in Topa ze-etin, “Eiteʼ lakah Topa a om mah ahi hiam?” a cihna hangun, tua mun pen Massah le Meribah, ci-in min kiphuak hi.

Sawltak 5:9

Tua ciangin Peter in tua nu kiangah, “Bang dingin na nupa-un Topaʼ Kha Siangtho ze-et ding thukim khawm na hi uh hiam? En in, na pasal a vuite kongkhak gei mahmah ah om uh a, nang zong hong pua khia ding uh hi,” a ci hi.

Johan 7:48

Jew mi uliante hitaleh Farisi mite hitaleh sung panin amah a um, na theih uh om nai ahi hiam?

Johan 6:30

Tua ciangin amaute in, “Kote in mu-in ka hong up theih nadingun bang nalamdang hong bawl dinga, bang hong sem ding na hi hiam?

Luka 10:25

Jesu a ze-et dingin Thukham hilh siate khat hong dinga, “Sia aw, nuntak tawntungna ka ngah theih nadingin bang sem ding ka hi hiam?” ci-in a dong hi.

Marka 12:15

Pia ding ihi hiam, pia lo ding ihi hiam?” ci-in a dong uh hi. Ahi zongin Jesu in amau lungsim tawng thei ahih manin, “Bang hangin kei hong thangsiah se na hi uh hiam? Ka et dingin dangka peek khat hong la dih un,” a ci hi.

Marka 2:16

Hih thukham khialte le siahdongte tawh Jesu in an a nekkhopna Farisi mite sung panin Thukham hilh siate pawl khat in a muh uh ciangin a nungzuite kiangah, “Bang hangin hih bang mite tawh an nekhawm ahi hiam?” ci-in a dong uh hi.

Mattiu 22:23

Tua ni mahin, misite thawhkikna om lo hi, ci-in a um Saddusi mite pawl khat Jesu kiangah hong pai uh a,

Mattiu 22:18

Ahi zongin Jesu in amauʼ gitloh geelna thei ahih manin, “Mihoih a kineihkhem mite aw, bang hangin kei hong thangsiah se na hi uh hiam?

Mattiu 22:15

Tua ciangin Farisi mite paikhia uh a, a kampauna tawh Jesu a mat theih nadingun thu a kikum uh hi.

Mattiu 21:23

Biakinn tual sungah Jesu lutkik a, thuhilhin a om laitakin siampi liante le upate ama kiangah hong pai uh a, “Hih nate kua thu tawh bawl a, na bawl nading kua in aana hong pia ahi hiam?” ci-in a dot uh ciangin

Mattiu 19:3

Farisi mite pawl khat Jesu kiangah hong pai uh a, amah a mawhsak theih nading uh a deihna-un, “Thu khat peuhpeuh hangin zi mak theih ding mah ahi hiam?” ci-in a dong uh hi.

Paikhiatna 17:2

Tua ahih ciangin mite in Mosesʼ tungah mawhna zong uh a, “Tui dawn ding hong pia in,” ci uh hi. Moses in amaute kiangah, “Bang hangin keiʼ tungah mawhna hong zong na hi uh hiam? Bang hangin Topa ze-et na hi uh hiam?” a ci hi.

Johan 8:6

Hih bangin a dot uh ciangin Jesu a mawhsak theih nadingun a thangsiahna uh ahi hi. Jesu zong kun suk a, a khutme tawh leilak a gelh hi.

Marka 9:16

Jesu in a nungzui dangte kiangah, “Amaute tawh bang thu kiseel na hi uh hiam?” ci-in a dong hi.