Marka 7:7 - Tedim Bible Revision 2017

⁷ Mihingteʼ bawl tawm thukhamte, Pasianʼ thukham zahin mite tungah hilh uh ahih manin, kei hong biak hangun a kimanna om lo hi,’ ci hi.

Tedim Bible

⁷ Mite thukham ngeina a hilh uh a, A mawkna in kei hong bia uh hi,’ a ci hi.

Marka 7:7 Referans Kwoze

Isaiah 29:13

Tua ciangin Topa in, “Amauteʼ lungsim kei tawh kigamla napi-in hih mite in a kam uh tawh kei kiangah hong pai uh a, a muk uh tawh kei hong pahtawi-in, amaute in kei hong kihtakna pen mihingteʼ thupiak a zuihna uh ahi lel hi.

Mattiu 15:9

Mihingteʼ bawl tawm thukhamte, Pasianʼ thukham zahin mite tungah hilh uh ahih manin kei hong biak hangun a kimanna om lo hi,’ ci hi,” ci-in a dawng hi.

Jeim 1:26

Mi khatpeuh in Khristian ka hi hi, ci napi-in kampau a kidop zawh kei leh a mahmah a kikhem tawm hi lel a, ama biakna neih a mawkna ahi hi.

Kolose 2:22

Hih nate pen i nek, i zat khit ciangin a maimang hi lel a, mihingteʼ bawl tawm thuhilhna le ngeina hi lel hi.

Mattiu 6:7

“Thu na nget uh ciangin i thunget sau leh Pasian in hong pia deuh ding hi, ci-in a ngaihsun Gentail mite bangin khiatna a nei tum lo kam tampi na luilui kei un.

Titu 3:9

Ahi zongin a haihuai thu kiseelna, min kigual deudau khangsimna, kitotna, thukham kitotlawhna cihte na pelh in. Tuate a kimanna a om lo, a mawkna thu hi lel hi.

Mangmuhna 22:18

Keimah Johan in hih laibu sungah a kigelh thu a za mi khempeuh ka hong hilhkholh nopna panin: A thu a behlap na om uh leh Pasian in zong hih laibu sungah a kigelh gimnate note tungah hong behlap dinga,

1 SAMUEL MASA 12:21

Meetna hong pia thei lo, hong hon thei lo, a mawkna milimte biakna lamah pial kei un; bang hang hiam cih leh tuate pen a mawkna ahi hi.

Thu-hilhkikna 12:32

“Note kong thupiak khempeuh na hih ding uh na lim ngaihsut ding uh hi. Na behlap kei ding uh a, zong na khiam kei ding uh hi.

Jeim 2:20

Lawmte aw, gamtatna in a zui lo upna pen a hawmpi ahihna thu kong lak ding hi.

Malakhi 3:14

Note in, ‘Pasianʼ na i sep a mawkna hi. Ama hong sawl bangin i sep hangin bang a kimanna om a, i gamtatna sate hangin i dahna lim, Vanglian Topaʼ mai ah i lah hangin bang phattuamna om ahi hiam?

1 KORIN MASA 15:14

Khris a kithokiksak lo hileh koteʼ thuhilhna a mawkna hi dinga, noteʼ thu up zong a mawkna mah suak ding hi.

1 KORIN MASA 15:58

Tua ahih ciangin ka hong it sanggamte aw, Topaʼ hangin na nasepnate uh a mawkna hi ngei het lo hi, ci-in na theih uh mah bangin Topa adingin a tawntungin na sem unla, liing het loin lungsim kip takin na om ta un.