Marka 7:4 - Tedim Bible Revision 2017

⁴ Nek theih zuakna panin a kilei nate zong amau teek mah in a sawp kei uh leh ne lo uh hi. Khanglui ngeina a zuih uh, hai khawng, beel khawng, sumngo kibawl beellekuang khawngte sawp ding cih ngeina a zuih uh tampi om hi.)

Tedim Bible

⁴ Sumbuk panin hong ciah uh ciangin zong pumpi kisil loin an ne lo uh hi. Tua lo adang ngeinate in haite, sumngo kuangte, dalkuangte tui tawh sawpna ngeina a zuih uh tampi a om hi).

Marka 7:4 Referans Kwoze

Hebru 9:10

Zu le an le pumpi siansuahna ngeina tuamtuamte hi bek a, Pasian in na khempeuh a puahphat hun ma kikal sungteng zat ding ngeina ahi hi.

Mattiu 23:25

“Mihoih a kineihkhem, no Thukham hilh siate le Farisi mite in gimna na thuak ding uh hi. Note in hai le kuangte a pualam na siangsak uh a, ahi zongin tuate sungah, thatang hat thu le huaihamna tawh mi-aʼ na suh uh nate a om hi.

Jeim 4:8

Pasian kiang nai un. Amah in zong hong nai ding hi. Mawhneite in na khut uh sil siang unla, a kineihkhemte in na lungsim uh siangsak un.

Johan 2:6

Jew mite in amau biakna ngeina ah kisilsiang nading ngeina nei uh ahih manin tua lai ah tui tambong guk tambong sagih bang a ta thei thambeel pi guk a om hi.

Jeremiah 4:14

Jerusalem khua aw, nang hong kihotkhiat nadingin na lungsim sung panin gitlohna sawp khia in. Na sungah gitlohna lungsim bang tanvei kemcip ding na hi hiam?

Isaiah 1:16

Note kisil tawm unla, a siangtho-in kibawl un. Keima muhna ah na gamtat siatnate uh pai khia-in, siatna na bawlte uh khawl un.

1 JOHAN MASA 1:7

Ahi zongin amah, khuavak ahih mah bangin eite in zong khuavak gamtatnate i gamtat takpi leh eite pawl khat ihi a, ama Tapa Jesuʼ sisan in i mawhna khempeuh panin eite hong siangsak hi.

Mattiu 27:24

A gengen hangin bangmah phattuamna om loin buaina piang zaw kha ding, ci-in Pilat in a theih ciangin, tui la-in mihonpiʼ muhin a khut sil a, “Hih mipa a sihna thu ah kei ka kihel kei hi. Note in thei ta un,” a ci hi.

Late 26:6

Topa aw, mawh baan lohna ka lahna-in ka khutte ka sil a, biakna pia-in na biakna tau kiim ah ka pai hi.

Johan 3:25

Tua laitakin biakna vai-in kisiansuahna tawh kizomin Johanʼ nungzuite le Jew mi pawl khat thu kiseel uh hi.

Jeremiah 35:5

Tua ciangin Rekhab behteʼ mai ah leenggahzu a dimin a kikoih hai le keute ka pia a, leenggahzu dawn un, ci-in ka sawl hi.

Mattiu 23:26

A mittaw Farisi mite aw, a pualam zong a siangtho a suah theih nadingin hai le kuang sunga a om nate a siangtho hisak phot un.

Marka 7:8

Note in Pasianʼ thukham nawl khinin, mihingteʼ thuhilhna na zui zawsop uh hi,” a ci hi.