Marka 7:37 - Tedim Bible Revision 2017

³⁷ Amaute in gen zawh loh dongin lamdang sa mahmah uh a, “Hih mipa in sep theih loh bangmah nei lo hi. Bilngongte nangawn khua zasak thei a, a pau thei lote nangawn pau theisak hi,” a ci uh hi.

Tedim Bible

³⁷ Amaute in a kigen thei lo zah dongin lamdang a sa uh a, “Amah in na khempeuh phatakin a bawl zo hi. Bengngongte khua zasak zo a, pau thei lote a pausak thei zo hi,” ci-in a gen uh hi.

Marka 7:37 Referans Kwoze

Marka 6:51

Tua ciangin amaute omna gunkuang tungah Jesu kah to a, huihpi zong a dai pah hi. Nungzuite in lamdang a sa mahmah uh hi.

Marka 5:42

Numeino zong thakhatin tho-in lam a pai pah hi. (Amah kum sawm le kum nih pha ta hi.) Tua ciangin amaute in lamdang sa mahmah uh hi.

Marka 4:41

A nungzuite in lamdang sa mahmah uh a, “Huihpi le tuihualte nangawn, ama sawl bangin a gamta uh hi,” a ci uh hi.

Marka 2:12

Tua mipa zong amaute khempeuhʼ muhin tho a, a lupna pheek la-in a paikhia pah hi. Amaute khempeuh in lamdang sa mahmah uh a, Pasian phatin, “Hih bang mahmah i mu ngei nai het kei hi,” a ci uh hi.

Piancilna 1:31

Pasian in a bawl sa khempeuh en a, hoih sa mahmah hi. Nitak hong bei-in zingsang hong tunga, a ni guk ni ahi hi.

Late 139:14

Kihtak dingin a kilawm na hih manin nang kong phat hi. Na nasepnate lamdang mahmah! Nangmah in kei nong lim theih mahmah hi.

Sawltak 14:11

Mihonte in Paulʼ nasepna a muh uh ciangin amauʼ Likaonia pau tawh, “Mihing mel pua-in pasian-te i kiangah hong pai hi,” ci-in a kiko uh hi.

Luka 23:41

Ei tegel pen i gamtatna tawh kizui-in thu hong kikhen ahih manin ahi ding mah ahi hi. Ahi zongin amah in khialhna bangmah nei lo hi,” a cih khit ciangin

Marka 1:27

Mi khempeuh in lamdang sa uh a, khatlekhat in, “A bangci thu ahi hiam? Bang thu thak hilh tuan ahi hiam? Hih mipa in dawi gilote thupiak nading aana nei a, dawi gilote in ama thu a mang uh hi,” ci-in a kikum uh hi.

Isaiah 29:18

Tua ni ciangin bilngongte in laibu sunga thute za dinga, lungzinna le khua mialna sung panin mittawteʼ mit in mu ding uh hi.

Mattiu 9:32

Tua mi nihte a paikhiat laitakun mi pawl khat in dawi a veina hangin a pau thei lo mi khat, Jesu kiangah a hong paipih uh hi.

Marka 7:36

Kuama kiangah hih thute a gen loh nadingun Jesu in kham a, ahi zongin nak kham le nak gen semsem zawsop uh hi.

Marka 8:1

Tua khit a sawt loin Jesu kiangah mihon tampi tak hong kikhawm leuleu uh a, amaute in annek ding nei nawn lo uh ahih manin Jesu in a nungzuite samin amaute kiangah,