Marka 7:2 - Tedim Bible Revision 2017

² A nungzuite pawl khat in khanglui ngeina zui loin, khut sil loin an a neklam uh a mu kha uh hi.

Tedim Bible

² a nungzui kimkhatte in a nin cihnopna, a kisil lo khut tawh an ne uh a mu uh hi.

Marka 7:2 Referans Kwoze

Sawltak 10:28

amaute kiangah, “Note mahmah in zong limtakin na theih ciat uh mah bangin Jew mite pen minam dangte kiangah hawhin a kikholh ding a ngeina hi lo hi. Ahi zongin mi khat peuhpeuh a nin hi, ci-in ka ngaihsut loh nadingin Pasian in kei tungah a thu hong lak khinzo hi.

ROM (Romans) 14:14

Topa Jesu tawh kipawlin a lungsim ka theihna tawh, na khat peuhpeuh ama thu-in a dawizek om het lo hi, ci-in teltakin ka thei hi. Ahi zongin mi khatpeuh in dawizek hi, ci-in a ngaihsut leh ama adingin a dawizek hi pah hi.

Sawltak 11:8

Ahi zongin keimah in, ‘Topa aw, tuate go-in ka ne het kei ding hi. Bang hang hiam cih leh a ninin a kingaihsun an peuhmah ka kam ka tun ngei kei hi,’ ka ci hi.

Mattiu 15:2

“Bang hangin na nungzuite in tangtawng pek panin a hong kihilh suksuk i pupa ngeinate zui lo uh ahi hiam? Amaute in an a nek ma-un a ngeina ding bangin a khut uh sil masa lo uh hi,” a ci uh hi.

Marka 7:5

Tua ahih manin Farisi mite le Thukham hilh siate in Jesu kiangah, “Bang hangin na nungzuite in, khanglui lai pek panin tu ni dongin a kizui pulepa ngeinate zui loin, khut sil loin an ne ahi uh hiam?” ci-in a dong uh hi.

Luka 11:38

Jesu in khut sil masa loin an a neklam a muh ciangin Farisi mipa in lamdang sa mahmah hi.

Hebru 10:29

Tua bang ahihleh Pasianʼ Tapa a simmawh, mawhna a hong maisak Pasianʼ thuciamna sisan a thudon lo, Pasianʼ hehpihna a hong puak Kha Siangtho a hehsakteʼ thuak ding bangzah takin lian zaw kan ding ahi hiam?

Mangmuhna 21:27

Ahi zongin a siang lo, a hoih loin a gamta mi, zuau a gen mite kuamah lut thei lo ding uh a, a nungta mite a kigelhna Tuuno laibu sungah a min a omte bek tua khuapi sungah lut thei ding uh hi.