Marka 7:17 - Tedim Bible Revision 2017

¹⁷ Mihonpite nusia-in inn sungah a lut khit ciangin a nungzuite in hih thu gentehna thu a dong uh hi.

Tedim Bible

¹⁷ Zeisu in mihonpi lak pan kikhen a, inn sungah a lut khit ciangin, a nungzuite in tua thungentehna a dong uh hi.

Marka 7:17 Referans Kwoze

Mattiu 15:15

Ahi zongin Peter in Jesu kiangah, “Hih thu gentehna a khiatna kote hong hilh in,” a ci hi.

Mattiu 13:36

Tua ciangin mihonte lak panin Jesu pai khia-in inn sungah a lut hi. A nungzuite ama kiangah hong pai uh a, “Lo lai-a om Tahum Thu gentehna a khiatna hong gen in,” a cih uh ciangin

Marka 9:28

Inn sungah Jesu a tum khit ciangin a nungzuite in, “Bang hangin kote in dawi hawl khia thei lo ka hi uh hiam?” ci-in a dongsim uh hi.

Marka 4:34

Thu gentehna lo tawh thu hilh ngei lo hi. A nungzuite guak tawh a om khawm ciangin a thu khempeuh a gen tel zel hi.

Marka 4:10

Mihonpite a ven, amah guak a om ciangin nungzui sawm le nihte le ama thugen a za mite in, na thu gentehna a khiatna hong gen in, ci-in a ngen uh hi.

Mattiu 13:10

Tua ciangin nungzuite in Jesu va naihin ama kiangah, “Bang hangin thu gentehna zangin amaute tungah thu gen na hi hiam?” ci-in a dong uh hi.

Marka 2:1

Tua zawh ni tawm khat khit ciangin Kapernaum khua ah Jesu hong paikik a, inn ah a omna thu hong kitheithang hi.

Marka 3:20

ama kiangah mihonpi hong kikhawmkik zel ahih manin Jesu le a nungzuite in an nangawn ne thei lo uh hi.

Marka 7:16

(Zak nading bil a neite in hih thu za ta un,” a ci hi.)

Marka 7:18

Jesu in, “Note in zong bangmah a thei lo hi mawk hi lo na hi uh hiam? A pualam panin mite sungah a tum nate in mi ninsak thei lo hi.