Marka 6:6 - Tedim Bible Revision 2017

⁶ Amaute in amah a up loh manin lamdang a sa mahmah hi. Tua ciangin tua kiim a om khuaneute ah thuhilhin a pai kawikawi hi.

Tedim Bible

⁶ Amaute up lohna lamdang a sa hi. Zeisu in khuapite leh khuaneute sungah thuhilhin a vak kawikawi hi.

Marka 6:6 Referans Kwoze

Mattiu 9:35

Tua bangin khuapite le khuaneute ah Jesu pai kawikawi a, a kikhopna uh innte ah thu hilhin, Pasianʼ ukna hangin a lungdamhuai thute gen a, natna nam khempeuh a damsak hi.

Mattiu 8:10

Jesu in hih bupa thugen a zak ciangin lamdang sa a, amah a zui mihonte kiangah, “A mantak a kong genin ah Israel mite lak nangawn ah hih bang upna a nei ka mu nai kei hi.

Luka 13:22

Tua ciangin khuapite le khuaneute nawkin Jesu paisuak a, Jerusalem khua manawhin a pai kawmin thu a hilh hi.

Sawltak 10:38

Nazareth khuami Jesu tungah Pasian in Kha Siangtho le vangliatna pia a, Pasian in a ompihna hangin tua Jesu in a paina khempeuh ah na hoih semin, Dawimangpa in a gimsak mite khempeuh a damsakna thu zong na thei uh hi.

Isaiah 59:16

Amah in nenniamna a thuakte a huh ding mi khat beek a om lohna a mu hi. Tua ahih ciangin amaute a hon khia ding le a gualzawh nadingin ama vangliatna a zang ding hi.

Johan 9:30

Tua ciangin mittaw ngei pa in, “Amah in kei khua hong musak thei napi, amah koi pan a hong piang ahi hiam cih na theih loh uh lamdang mahmah hi.

Mattiu 4:23

Galilee gam sung khempeuh ah Jesu pai kawikawi a, amauʼ kikhopna innte ah thu hilhin, vantung ki-ukna hangin lungdamna thute hilh a, natna tuamtuam a nei cina khempeuh a damsak hi.

Jeremiah 2:11

Gam khat peuhpeuh in pasian ahi taktak beek lo a pasian-te uh nangawn a khek ngei peuhmah uh hiam? Ahih hangin ka mite in a minthanna uh ahi keimah, bangmahin a kimang lo na peuh tawh hong khek tazen uh hi.

Luka 4:44

Tua bangin Judah gam sunga om kikhopna innte ah thu a hilh kawikawi hi.

Luka 4:31

Tua ciangin Galilee gam Kapernaum khua ah pai suk a, Sabbath ni-in thu a hilh hi.

Marka 1:39

Tua ahih ciangin Galilee gam sung khempeuh ah amah zin a, a kikhopna uh innte ah thu hilhin dawite a hawl khia hi.

Marka 10:1

Tua lai panin Jesu ding khia-in Judea gam le Jordan Gun gal gam tengah a pai hi. Ama kiangah mihon tampi hong kikhawmkik uh a, a hilh ngeisa bangin amaute tungah thu a hilh hi.