Marka 6:48 - Tedim Bible Revision 2017

⁴⁸ Huih in a nungzuite lehmut ahih manin gunkuang hot zo loin haksa a sakna thu uh Jesu in a thei hi. Tua hi a, zingsang lam nai thum pan nai guk kikal khawngin a nungzuite kiang lamah tui tung tawnin Jesu a pai hi. Amaute a kheng suak ding bangin pai a,

Tedim Bible

⁴⁸ A deih lohna uh lam panin huih in lehmut ahih ciangin, a nungzuite in gunkuang hot a gim mahmah a om uh Zeisu in mu a, khua vak dektak nai thum ciangin tuili tungah amaute kiangah pai a, a pel ding bangin a pai hi.

Marka 6:48 Referans Kwoze

Luka 24:28

Tua khua a tun uh ciangin Jesu a paisuak ding bangin hong om a,

Luka 12:38

Zankim laitak ahi a, zingsang khuavak kuan lam ahi zongin a hong ciah hun peuhpeuh ciangin amah ngakin a om a muh nasemte pen mi hampha mahmah ahi uh hi.

JOB (Job) 9:8

Amah bek in vanpi zal a, tuipi tuihualte tuancil hi.

Johan 1:13

Tua bangin Pasianʼ tate suahna pen leitung ngeina nute pate sung panin suahna tawh hi loin Pasian sung panin suahna ahi hi.

Mattiu 14:24

ahi zongin nungzuite pen lei tawh gamlapi kihal khinta uh a, huih in amaute lehmut ahih manin gunkuang a kilok gawp hi.

Isaiah 54:11

“Gimna a thuak, huihpiʼ nawk gawp, hehnepna a ngah lo khuapi aw, en in, na suangte, suangvui hoih tawh ka ciang dinga, na bulpite suangmanpha tawh ka hih ding hi.

Late 104:3

Van a om tui tungah na inn na lam a, na leeng dingin meiipite na bawl a, huih khate tungah nang na tuang hi.

Late 93:4

A sangna munah a om Topa vanglian hi. Tui tampi gingte sangin vanglian zaw a, tuipi hualte sangin vanglian zaw hi.

1 SAMUEL MASA 11:11

A zing ciangin Saul in mite pawl thumin a khen hi. Tua ciangin amauteʼ giahphual laizang ah zingsang tungin hong pai uh a, sun nisat dong Ammon-te a sat lum uh hi. A suakta mite kithehthang uh a, amaute mi nih nangawn a om khopna om nawn lo hi.

Piancilna 32:26

Tua ciangin amah in, “Khua vak ta ahih ciangin hong khah in,” a ci hi. Ahih hangin Jakob in, “Kei, thupha nong piak kei leh kong khah kei ding hi,” a ci hi.

Piancilna 19:2

“Ka tote aw, kong thum hi. Na nasem paʼ inn lamah hong kihei-in hong giak unla, na khete uh sil un. Tua ciangin zingsangin tho baihin na pai nading lam uh ah pai pan un,” a ci hi. Amaute in, “Hi lo hi; khua lakah ka giak ding uh hi,” a ci uh hi.

Paikhiatna 14:24

Zingsang ciangin Topa in mei le meii khuam sung panin Egypt mihonpite en sukin, Egypt mihonpite phial gawp a,

Mattiu 24:43

Ahi zongin na phawk ding uh thu in: Inn nei pa in zan laitakin guta pa a pai ding hun thei khol leh amah in na pangin a inn luhsak lo ding hi.

Marka 6:47

Khuamial ciangin tui laizang dong gunkuang tung ta a, Jesu ahihleh leitungah amah guakin om lai hi.

Marka 6:49

ahi zongin a nungzuite in tui tung a mi pai a muh ciangun, “Sikha hi,” ci-in ngaihsun uh ahih manin a awngkek gawp uh hi.

Marka 13:35

Inn nei pa, nitak ahi a, zankim ahi a, zingsang ak khuan kuan ahi a, zingsang khuavak khit ahi zongin a bang hunin hong tung ding cih thei lo na hih manun ngakin na pilvang un.