Marka 6:41 - Tedim Bible Revision 2017

⁴¹ Tua ciangin Jesu in a anlum nga le a ngasa tawn nihte la a, vantung lam en to-in Pasian tungah lungdamna a ko hi. A anlumte balnen a, mite tungah a piak dingin nungzuite a pia hi. Tua mah bangin ngasa tawn nihte zong amaute khempeuh a hawmsak hi.

Tedim Bible

⁴¹ Zeisu in khomun nga leh ngasa tawn nih la a, vantung lam ento-in hehpihna a phat khit ciangin, khomun balnenin mite mai-ah lui dingin a nungzuite a pia hi. Ngasa tawn nih zong amaute khempeuh lakah a hawmsak hi.

Marka 6:41 Referans Kwoze

Mattiu 14:19

lopa tungah mihonte a tut nadingun a sawl hi. Tua ciangin anlum nga le ngasa tawn nih la-in vantung lam en to a, Pasian tungah a lungdamna a ko hi. Tua ciangin anlum balnenin a nungzuite pia a, a nungzuite in mihonte mai ah a lui uh hi.

Marka 7:34

vantung lam en to a, khuisa-in, “Kihong in,” a cihnopna ahi “Effatha” a ci hi.

Luka 24:30

Amaute tawh an ne dingin a tut ciangin Jesu in anlum la a, Pasian tungah lungdamna a koh khit ciangin balnenin amaute a pia hi.

Luka 9:16

Tua ciangin Jesu in anlum nga le ngasa tawn nih la-in vantung lam nga a, Pasian tungah lungdamna ko-in balnen a, mite tungah a lui dingin a nungzuite tungah a pia hi.

1 SAMUEL MASA 9:13

Khuapi sung na lut phetun mual tunga biakna ah an ne dingin a pai ma-in amah na mu ding uh hi. Amah in biakpiakna thupha pia ding ahih manin ama pai mateng mite in an ne lo ding uh hi. Thupha a piak khit ciangin a kisam mite in ne thei pan uh hi. Tu-in pai to un; bang hang hiam cih leh amah na tuak pah ding uh hi,” a ci uh hi.

1 KORIN MASA 10:31

Tua ahih manin keimah in ka hong gen nop thu in: Na hihna khempeuh uh, nekna dawnna ah ahi zongin Pasianʼ minthan nadingin na hih un.

Johan 17:1

Jesu in hih thute a gen khit ciangin vantung lam en to-in, “Pa aw, a hun hong tung ta ahih manin na Tapa in na pianzia hong kilatsak theih nadingin tu-in na Tapaʼ pianzia hong kilangsak ta in.

Johan 11:41

Tua ahih manin a suangtum a lik khia uh hi. Jesu zong van lam dak to-in, “Pa aw, ka thungetna hong ngai na hih manin ka nuam mahmah hi.

Marka 14:22

Tua bangin an a nek laitakun Jesu in anlum la-in lungdamna a koh khit ciangin balnenin a nungzuite tungah pia a, “Ne un; hih pen keima pumpi ahi hi,” a ci hi.

Kolose 3:17

Na kampauna, na gamtatnate khempeuh uh ah, Topa Jesu hangin Pa Pasian tungah lungdam kohna-in Jesu min paulamin na hih ding uh hi.

ROM (Romans) 14:6

Ni khatpeuh thupi diak hi, ci-in a tang mite in Topa a pahtawina-in a tang ahi uh hi. An khempeuh a ne mi in zong Pasianʼ tungah lungdamna ko-in ne uh ahih manin Topa a pahtawina mahin a ne uh ahi hi. Nek dingin kilawm lo hi, ci-in a ne lo mite in zong Pasian tungah lungdamna mah ko ahih manin Topa a pahtawina mahin a ne lo uh ahi hi.

Johan 6:23

Ahi zongin Tiberias khua panin gunkuang dang tampi hong pai a, Jesu in lungdamna a koh khit ciangin an a nekna uh munah hong tung uh hi.

Johan 6:11

Jesu in anlum la-in Pasian tungah lungdamna a koh khit ciangin mihon a tute lakah a hawm hi. Tua mah bangin ngasa zong hih a, mi khempeuh in a duh zahzah uh a ne ciat uh hi.

Mattiu 26:26

Tua bangin an a nek laitakun, Jesu in anlum la-in lungdamna a koh khit ciangin balnen a, a nungzuite kiangah pia-in, “La unla ne un; hih pen ka pumpi ahi hi,” a ci hi.

Mattiu 15:36

Anlum sagih le a ngasate la-in Pasian tungah lungdamna a koh khit ciangin balnenin a nungzuite tungah pia a, a nungzuite in mihonpite mai ah a lui uh hi.

Thu-hilhkikna 8:10

Note in ne-in na gil uh vah dinga, note tungah gam hoih hong piakna hangin Topa na Pasian uh na phat ding uh hi.

Sawltak 27:35

Hih bangin thu a gen khit ciangin Paul in anlum la a, amaute khempeuh mai ah Pasian tungah a lungdamna ko-in a anlum balnenin ne dingin a kipan hi.

Marka 6:40

Tua ahih manin mihonte zong pawl khat ah za, pawl khat ah sawm nga, cih bangin a honhonin a gual tut uh hi.

Marka 6:42

Amaute khempeuh in ne-in a kham uh hi.

Marka 8:19

Mihing tul ngateʼ nek dingin anlum nga ka balnen thu mangngilh ta na hi uh hiam? Tua hun lai-in a kikhamval na khop uh paipel bangzah dim ahi hiam?” a cih ciangin, “Sawm le nih,” a ci uh hi.