Marka 6:37 - Tedim Bible Revision 2017

³⁷ Ahi zongin Jesu in, “Amauteʼ nek ding bang khat peuhpeuh pia un,” a ci hi. A nungzuite in, “Ngun peek za nih tawh anlum va lei-in amauteʼ nek dingin pia ding ka hi uh hiam?” ci-in a dong uh hi.

Tedim Bible

³⁷ Zeisu in, “Amau nek ding an note’n na pia ding uh hi,” a ci hi. Amaute in, “Kote pai-in dangka zakhat tawh khomun ka lei khit uh ciangin, amaute nek dingin ka pia ding uh hiam?” ci-in a dong uh hi.

Marka 6:37 Referans Kwoze

Gamlak-vakna 11:13

Hih mite khempeuh piak ding koi ah sa ngah ding ka hi hiam? Bang hang hiam cih leh ka mai ah amaute kapin, ‘Ka nek ding uh sa hong pia in,’ hong ci uh hi.

Luka 9:13

Ahi zongin Jesu in amaute kiangah, “A nek dingun nek theih khat peuhpeuh pia un,” a cih ciangin amaute in, “Kote va pai-in hih mi khempeuhte adingin an va lei ding ka hih kei buang uh leh, anlum nga le ngasa tawn nih cih sim loh bangmah dang om lo hi,” ci-in a dawng uh hi.

Mattiu 14:16

Ahi zongin Jesu in, “Amaute a paikhiat ding kisam lo hi. Amauteʼ nek ding bang khat peuhpeuh pia un,” ci-in a dawn ciangin

2 KUMPI NIHNATE 7:2

Tua ciangin a ban tungah kumpipa a kingapna galkap ukpa in Pasianʼ mipa kiangah, “Topa mahmah in vantung tawlette hong hong taleh zong, hih bang thu hi thei ding ahi hiam?” a ci hi. Ahih hangin amah in, “Nangma mit mahmah tawh hih thu na mu dinga, ahih hangin nang in na ne kha kei ding hi,” a ci hi.

Mattiu 18:28

“Ahi zongin tua nasem pa a paikhiat ciangin ama sum ngun peek za khat khawng a ba a nasep pih dang khat tawh a kituak hi. Tua pa a gawlin manin, ‘Na leiba hong loh in,’ a ci hi.

Marka 6:36

Hih kiim a om khuate ah amaute pai-in a annek ding uh a lei nadingun hih mihonte sawl khia in,” a ci uh hi.

Marka 6:38

Tua ciangin Jesu in, “Anlum bangzah nei na hi uh hiam, va en dih un,” a ci hi. Amaute in, “Anlum nga le ngasa tawn nih om hi,” ci-in a hong genkik uh hi.

Luka 7:41

Jesu in, “Lei a ba mi nih om hi. Khat in ngun peek za nga ba a, a khat in sawm nga ba hi.