Marka 6:31 - Tedim Bible Revision 2017

³¹ Mi a ciah leh a kuan kiphamat uh ahih manin Jesu le a nungzuite in annek nading hun nangawn nei man lo uh hi. Tua ahih manin Jesu in, “Ei guak i om theih nading mun khat ah paikhia ni; tua lai ah na tawlnga thei ding uh hi,” a ci hi.

Tedim Bible

³¹ Zeisu in, “Gam daihna-ah hong pai un la, tomkha tawldam na’ngin khawl un,” a ci hi. Bang hangin hih bangin a gen hiam i cih leh, mi tampite in a vak a ciah uh ahih ciangin, amau in an ne man lo zawzenin a om uh hi.

Marka 6:31 Referans Kwoze

Marka 3:20

ama kiangah mihonpi hong kikhawmkik zel ahih manin Jesu le a nungzuite in an nangawn ne thei lo uh hi.

Marka 1:45

Ahih hangin a mipa pai khia-in a paina khempeuh ah hih thupiang khempeuh gen belin a nei hi. Hih thu nakgen lua-in kitheithang gawp ahih manin, tua hun a kipanin miteʼ theihin khua sungah Jesu lut thei nawn lo hi. Tua ahih manin gamdaihna munah amah om a, mun khempeuh panin ama kiangah mite a hong pai uh hi.

Johan 6:1

Tua khit ciangin Tiberias zong a kici Galilee Tuili gal khat lamah Jesu a pai hi.

Marka 3:7

Tua lai panin Galilee Tuili ah Jesu le a nungzuite pai uh a, Galilee gam, Judea gam,

Mattiu 14:13

Jesu in tua thu a zak ciangin tua mun panin kihem khia-in gamdaihna mun a zuan dingin gunkuang tawh a pai hi. Mite in ama pai khiatna thu a theih uh ciangin a khua ciat panun lei lam tawnin Jesu nung hong zui uh hi.