Marka 6:3 - Tedim Bible Revision 2017

³ Amah khutsiam pa hi lel a, Mary’ tapa hi lo ahi hiam? James, Josef, Judas le Simon-teʼ u hi lo ahi hiam? A nau numeite zong hih lai mah a om hi lo ahi uh hiam?” a ci uh hi. Tua hi a, amah sang zo lo uh hi.

Tedim Bible

³ Amah in Mari’ ta hilo ahi hiam? Khutsiampa ahi, Jakob, Josef, Judas leh Simon-te’ sanggampa hilo ahi hiam? Ama sanggamnute in i kiangah om hilo ahi uh hiam?” ci-in a gen uh hi. Amaute in ama hangin a lungkia uh hi.

Marka 6:3 Referans Kwoze

Mattiu 12:46

Tua bangin mite kiangah thu genin a om laitakin a pua lamah a nu le a naute in Jesu hopih nuamin a om uh hi.

Johan 6:42

“Hih Jesu pen a nu le a pa i theih hi a, Josefʼ tapa hi lel hi lo ahi hiam? Tua hi napi-in bang hangin, ‘Vantung panin ka hong pai,’ cithei peuhmah ahi hiam?” ci-in a kiphunsan uh hi.

Juda 1:1

Jesu Khrisʼ sila ka hih banah Jamesʼ nau keimah Jude in: Pasianʼ sapna hangin Jesu Khris kepna sungah Pasian itna tawh a om mite tungah lai ka hong khak hi.

Galati 1:19

Tua hun laitakin Topaʼ sanggam James sim loh sawltak kuamah dang ka mu kei hi.

Mattiu 11:6

Kei hong umte pen a lungdamhuai mahmah ahi hi,” ci-in a dawng hi.

Sawltak 1:13

Jerusalem a tun uh ciangin amauteng, Peter, Johan, James le Andru, Filip le Thomas, Bartholomew le Matthai, Alfeasʼ tapa James, Simon (gam khual pa) le Jamesʼ tapa Judas a tunna uh inn dei ah a kah to uh hi.

Marka 15:40

Jesu a gal et numei pawl khat zong a om hi. Tuate lakah Magdala khuami Mary, a nau zaw James le Josefʼ nu Mary le Salome ahi uh hi.

1 KORIN MASA 1:23

Ahi zongin kote in singlamteh tungah a kikhai Khrisʼ thu ka hilh uh a, tua thu pen Jew mite adingin a hehhuai thu hi a, Gentail mite adingin a haihuai thu ahi hi.

Johan 14:22

Tua ciangin Judas Iskariot ahi lo Judas dang khat in, “Topa aw, leitung mite tungah kilang loin kote tungah bangci-in hong kilang tuam thei ding na hi hiam?” ci-in a dot ciangin

Luka 7:23

Kei hong umte pen a lungdamhuai mahmah ahi hi,” ci-in a dawng hi.

Luka 2:34

Tua ciangin Simeon in amaute thupha a piak khit ciangin naungekʼ nu Mary kiangah, “Hih naungek pen, Israel mite sungah mi tampi in siatna a ngah nading le mi tampi in hotkhiatna a ngah nading ahi hi. Mi tampi in hih naungek nial ding uh a,

Isaiah 49:7

Israel a honpa le ama Siangtho Pa ahi Topa in nakpi takin simmawhna a thuak, minamte in a muhdah, gam ukteʼ nasem pa tungah: “Nangmah a hong teel Israel-teʼ Siangtho Pa, a thuman Topa’ hangin mite na hotkhiatna thu kumpite in a muh uh ciangin zahtakna tawh na mai ah hong ding ding uh a, na mai ah uliante hong kun ding uh hi,” hong ci hi.

1 PETER MASA 2:4

Mite in bangmahin kimang lo hi, ci-in a nilkhiat hangin Pasian in a manpha hi, ci-in a teel, nuntakna a pia thei suangpi ahi Topa kiangah na pai un.

1 KORIN MASA 9:4

Ka nasepna hangin an nek tui dawn hong kipiak ding mah ahi hi.

Marka 3:18

Andru, Filip, Bartholomew, Matthai, Thomas, Alfeasʼ tapa James, Thaddeas, Simon (gam khual pa),

Sawltak 12:17

Amaute a pau nawn loh nadingun Peter in a khut van a, thong sung panin Topa in amah a paikhiat pihna zia teng a gen hi. Tua ciangin, “James le pawlpi midangte kiangah hih thu na gen un,” ci-in a vaikhak khit ciangin mun dangah a paikhia hi.

Luka 8:20

Tua ahih manin mi khat in Jesu kiangah, “Na nu le na naute in nang hong mu nuam uh a, inn pua ah om uh hi,” a ci hi.