Marka 6:15 - Tedim Bible Revision 2017

¹⁵ Ahi zongin a dangte in, “Elijah hi,” ci uh a, pawl khat leuleu in, “Tanglai-a kamsangte mah bangin kamsang khat hi,” a ci uh hi.

Tedim Bible

¹⁵ Mi kimkhat in, “Hih mi in Elijah ahi hi,” a ci uh hi. Midangte in, “Tanglai kamsangte khatpeuh tawh kibang, kamsangpa ahi hi,” a ci hi.

Marka 6:15 Referans Kwoze

Mattiu 21:11

Mihonpite in, “Galilee gam Nazareth khua pan a kamsang Jesu hi,” ci-in a dawng uh hi.

Marka 8:28

Amaute in, “Pawl khat in, Tuiphumpa Johan hi, hong ci uh hi. Pawl khat in, Elijah hi, hong ci uh a, pawl khat in, kamsang khat peuhpeuh hi ding hi, hong ci uh hi,” ci-in a dawng uh hi.

Mattiu 16:14

Amaute in, “Pawl khat in Tuiphumpa Johan hi, hong ci uh hi; pawl khat in Elijah hi, hong ci uh hi; pawl khat in Jeremiah ahih kei leh kamsang khat peuhpeuh hi ding hi, hong ci uh hi,” ci-in a dawng uh hi.

Malakhi 4:5

“Ahi zongin tua a lauhuai lian mahmah Topaʼ ni hong tun ma-in note kiangah kamsang Elijah kong paisak ding hi.

Johan 9:17

Tua ahih manin Farisi mite in mittaw pa kiangah, “Ka mit khua hong musak hi, ci na hih manin amah kua hi dingin ngaihsun na hi hiam?” ci-in a dotkik uh ciangin, “Amah kamsang khat hi ding hi,” ci-in a dawng hi.

Johan 7:40

Hih thu a zak uh ciangin mihon pawl khat in, “Hih pa pen Kamsang pa taktak hi,” ci uh a,

Johan 6:14

Jesuʼ nalamdang bawl a muh uh ciangin tua lai-a om mihonpite in, “Leitungah kamsang hong pai ding a kici pa pen hih pa hi taktak hi,” a ci uh hi.

Johan 1:25

Amaute in Johan kiangah, “Nang pen Khris lah hi lo, Elijah lah hi lo, kamsang lah hi lo na hih leh bang hangin tuiphum mawk na hi hiam?” ci-in a dot uh ciangin

Johan 1:21

Tua ciangin amaute in, “Tua ahihleh kua na hi hiam? Elijah na hi hiam?” a cih uh ciangin, “Ka hi kei hi,” na ci hi. Kamsang pa na hi hiam, ci-in a dot uh ciangin, ka hi kei hi, a na ci leuleu hi.

Luka 9:19

Amaute in, “Pawl khat in, Tuiphumpa Johan hi, hong ci uh hi. Pawl khat in Elijah hi, hong ci uh a, pawl khat in, tanglai kamsangte khat peuhpeuh hong hingkik hi ding hi, hong ci uh hi,” ci-in a dawng uh hi.

Luka 9:8

Pawl khat in, “Elijah hong kilangkik hi,” ci uh a, pawl khat in, “Tanglai kamsangte khat hong hingkik hi,” a ci uh hi.

Luka 7:39

Jesu a sam Farisi mipa in a muh ciangin a lungsim sungah, “Hih pa pen kamsang taktak hileh amah a lawng hih numei nu a bangci mi ahi hiam cih thei dinga, ama gamtat hoih lohna teng zong thei ding hi,” a ci hi.

Luka 7:16

Amaute khempeuh in lamdang sa mahmah uh a, Pasian min phatin, “Eite lakah kamsang lian khat hong om khinta a, a mite a hon khia dingin Pasian hong pai khinta hi,” a ci uh hi.

Luka 1:17

Amah pen kamsang Elijah mah bangin thahatna le vangliatna tawh Pasian mai ah hong mapai ding hi. Pate le tate kilemsakkikin, mihoihteʼ lungsim bang a neih nadingun thumang lo miteʼ lungsim heisak dinga, Topa adingin a kilawm dingin mite a bawl khol ding hi,” a ci hi.

Marka 6:16

Herod in Jesuʼ nasepnate a zak ciangin, “A lutang ka tan khiatsak Johan hong hingkik hi,” a ci hi.