Marka 5:8 - Tedim Bible Revision 2017

⁸ (Hih bangin a cihna pen, Jesu in, “Dawi aw, hih mipa sung panin paikhia in,” a cihna hang ahi hi.)

Tedim Bible

⁸ Hih thu bang hangin a gen hiam i cih leh, “Kihhuai dawi aw, tua mipa sung pan taikhia in,” ci-in Zeisu in thu a pia zo hi.

Marka 5:8 Referans Kwoze

Sawltak 16:18

Tua bangin ni tampi sung awng ngitnget ahih manin a sawtna ciangin Paul in nawngkai sa ahih manin kihei-in a dawi kiangah, “Hih numei sung panin na paikhiat nadingin Jesu Khris min tawh thu kong pia hi,” a cih khit phetin, tua numei sung panin dawi a paikhia pah hi.

Marka 1:25

Jesu in, “Pau kei in; hih mipa sung panin paikhia in,” ci-in tua dawi tungah thu a pia hi.

Marka 5:7

nakpi takin kiko-in, “A Lianpen Pasianʼ Tapa Jesu aw, kei bang hong nuammawh na hi hiam? Kei, gim hong pia kei in, ci-in Pasianʼ min tawh kong thum hi,” a ci hi.

Marka 5:9

Jesu in, “Na min bang ahi hiam?” ci-in a dong hi. Mipa in, “Kote tampi pha ka hih manun ka min pen A Honpi ahi hi,” ci-in a dawng hi.