Marka 5:7 - Tedim Bible Revision 2017

⁷ nakpi takin kiko-in, “A Lianpen Pasianʼ Tapa Jesu aw, kei bang hong nuammawh na hi hiam? Kei, gim hong pia kei in, ci-in Pasianʼ min tawh kong thum hi,” a ci hi.

Tedim Bible

⁷ “A sang bel Pasian’ Tapa Zeisu aw, nang tawh bang kikum i hi hiam? Kei nong bawlsiat loh nadingin, Pasian’ min tawh thu kong pia hi!” ci-in nakpi-in a kiko hi.

Marka 5:7 Referans Kwoze

Mattiu 8:29

Amaute nakpi takin hong kiko uh a, “Pasianʼ Tapa aw, kote bang hong nuammawh na hi hiam? A hun tung nai lopi-in kote gim a pia dingin hong pai na hi hiam?” a ci uh hi.

Sawltak 16:17

Tua numei in Paul le kote hong zui-in, “Hih mite, A Lianpen Pasianʼ nasemte ahi uh hi. Note a hong kihotkhiat theih nading thu a hong gen uh ahi hi,” ci-in a kiko hi.

Juda 1:6

Amauʼ aana neih huam sung bekah om loin a omna panun a paikhia vantung mite zong leinuai khuamial sungah sikkol kibulhin amauʼ thu a kikhen ding Ni lianpi ngakin Pasian in a koihcip hi.

Mattiu 26:63

Jesu pau loin a om hi. Tua ciangin siampi lianpen pa in, “Pasianʼ Tapa, Khris na hih leh na hih loh nong gen nadingin a nungta Pasianʼ min tawh khauh takin ka hong sawl hi,” a ci hi.

Mangmuhna 12:12

Tua ahih manin vantungte le tuate sungah a teeng mi khempeuh aw, lungdam un! Ahi zongin vantung panin Dawimangpa hong kilawn khia suk a, hun tomno bek a nei lai ahih lam thei ahih manin leitung le tui tungah a omte adingin lauhuai mahmah ding hi,” hong ci hi.

Sawltak 19:13

Dawi hawl khia-in a vak kawikawi Jew mi aitawi pawl khat in zong Topa Jesuʼ min zangin dawi hawlkhiat ding a sawm uh hi. Amaute in dawite kiangah, “Paul in a gengen Jesuʼ min tawh thu kong pia uh hi,” a ci uh hi.

Luka 8:28

Jesu a muh ciangin nakpi takin awngin a mai ah khukdin a, “A Lian Pasianʼ Tapa Jesu aw, kei bang hong nuammawh na hi hiam? Kei, gim nong piak loh nadingin kong thum hi,” ci-in nakpi takin a kiko hi.

Marka 3:11

Tua laitakin miteʼ sunga lut dawite in Jesu a muh uh ciangin a mai ah pukin kiko uh a, “Nang pen Pasianʼ Tapa na hi hi,” a ci uh hi.

Mattiu 4:3

Tua ciangin ama kiangah Dawimangpa hong pai a, “Pasianʼ Tapa na hih takpi leh hih suangte anlum a suah nadingin thu pia in,” a ci hi.

1 JOHAN MASA 3:8

A kipat cil a kipanin Dawimangpa in mawhna bawl tawntung ahih manin mawhna a bawl mi khempeuhte zong Dawimangpaʼ mi ahi hi. Hih Dawimangpaʼ nasepna a beisak dingin Pasianʼ Tapa a hong pai hi.

2 PETER NIHNA 2:4

Bang hang hiam cih leh vantung mite nangawn in khialhna a neih ciangin Pasian in khah khong loin hell khuk sungah khia a, Thukhen Ni hun dong ngakin khuamial sungah kol bulh sa-in a omsak hi.

Marka 1:24

“Nazareth khuami Jesu aw, kote tawh nang bang kisai ihi hiam? Kote a susia dingin hih lai ah hong om na hi hiam? Pasianʼ mi siangtho na hih lam kong thei hi,” ci-in a kiko hi.

Mattiu 16:16

Simon Peter in, “Nang pen a nungta Pasianʼ Tapa, Khris na hi hi,” ci-in a dawng hi.

Hosea 14:8

Israel mite in milim bia kha nawn lo ding uh hi. Amauteʼ thungetna pia-in amaute ka kem ding hi. Amaute, a hing tawntung singkung kep bangin ka kem ding hi; amauteʼ thupha ngah khempeuh keima kiang pan ahi hi,” a ci hi.

1 KUMPI MASATE 22:16

Ahih hangin kumpipa in ama kiangah, “Topaʼ min tawh thudang gen loin thuman bek kei tungah nong gen nading bangzah vei hong thuhilh ding ka hi hiam?” a ci hi.

Piancilna 3:15

Nang le numei kikal na suanlekhakte le ama suanlekhakte kikalah kilangneihna ka omsak ding hi. Amah in na lutang hong sunim dinga, nang in ama khetul na sunim ding hi,” a ci hi.

Hebru 7:1

Abraham in a galsimna ah kumpite thatin gualzo-in a hong ciah ciangin A Lianpen Pasianʼ siampi ahih banah Jerusalem khua kumpi zong ahi Melkhizedek in Abraham na dawnin thupha a pia hi.

Hebru 2:14

Tate a cih mite pen leitung cilesa a nei mite ahih manin, ama sihna hangin sihna a uk Dawimangpa a suk gawp theih nadingin Jesu in mihing pianzia mah hong nei phot hi.

Sawltak 8:36

Lampi ah a pai laitakun tui omna mun tung uh a, mangpa in, “Hih lai ah tui om hi. Tui kiphum nuam peuh leng kuaʼn hong kham thei ding ahi hiam?” a ci hi.

Johan 20:31

Hih laibu sungah a kigelh thute pen Jesu, Pasianʼ Tapa, Khris ahihna thu na up theih nading uh le ama min hangin tua upna tawh nuntakna na ngah theih nading uh deihna tawh a kigelh ahi hi.

Luka 6:35

Tua bang lelin note na gamta kei ding uh hi. Na galte uh itin amaute tungah thupha bawl unla, lohkik ding lamen loin leitawi pia un. Tua hileh na thaman uh lian dinga, a Lianpen Pasianʼ tate na hi ding uh hi. Bang hang hiam cih leh lungdamna mel a theithei lo mite le a huaiham mite tungah amah migi hi.

Luka 4:34

“Nazareth khuami Jesu aw, kote tawh bang kisai ihi hiam? Kote a susia dingin hong pai na hi hiam? Pasianʼ mi siangtho na hih lamtak ka hong thei uh hi,” a ci hi.

Luka 1:32

Amah mi lian hi dinga, A Lianpen Pasianʼ Tapa kici ding hi. Topa Pasian in ama pu David mah bangin kumpi-in bawl dinga,

Marka 14:61

Ahi zongin Jesu pau loin a omcip hi. Tua ciangin siampi lianpen pa in, “Phatna a ngah Pasianʼ Tapa, Khris na hi hiam?” ci-in a dongkik leuleu hi.

ROM (Romans) 16:20

Tua hileh eite tungah nopsakna a hong pia thei Pasian in Satan tuancilin noteʼ khenuai mi hong hisak baih ding hi. I Topa Jesu Khris hong hehpihna thupha, note tungah om tahen.

Marka 5:6

Hih mipa in Jesu a gal muh ciangin hong delhin ama mai ah khukdin a,

Marka 5:8

(Hih bangin a cihna pen, Jesu in, “Dawi aw, hih mipa sung panin paikhia in,” a cihna hang ahi hi.)

Jeim 2:19

Pasian khat bek om hi, ci-in na um hi. Tua pen hoih mahmah hi. Dawite nangawn in zong tua bangin umin lau-in liing deldel uh hi.