Marka 5:42 - Tedim Bible Revision 2017

⁴² Numeino zong thakhatin tho-in lam a pai pah hi. (Amah kum sawm le kum nih pha ta hi.) Tua ciangin amaute in lamdang sa mahmah uh hi.

Tedim Bible

⁴² Thakhatin numeino tho pah a, kalsuan hi. Bang hang hiam i cih leh, amah in kum sawm leh kum nih a pha zo hi. Amaute in thakhatin lamdang a sa mahmah uh hi.

Marka 5:42 Referans Kwoze

Marka 7:37

Amaute in gen zawh loh dongin lamdang sa mahmah uh a, “Hih mipa in sep theih loh bangmah nei lo hi. Bilngongte nangawn khua zasak thei a, a pau thei lote nangawn pau theisak hi,” a ci uh hi.

Marka 6:51

Tua ciangin amaute omna gunkuang tungah Jesu kah to a, huihpi zong a dai pah hi. Nungzuite in lamdang a sa mahmah uh hi.

Marka 4:41

A nungzuite in lamdang sa mahmah uh a, “Huihpi le tuihualte nangawn, ama sawl bangin a gamta uh hi,” a ci uh hi.

Marka 1:27

Mi khempeuh in lamdang sa uh a, khatlekhat in, “A bangci thu ahi hiam? Bang thu thak hilh tuan ahi hiam? Hih mipa in dawi gilote thupiak nading aana nei a, dawi gilote in ama thu a mang uh hi,” ci-in a kikum uh hi.

Marka 5:41

Tua ciangin numeinoʼ khut lenin, “Numeino aw, tho in,” a cihna, “Talitha kumi,” a ci hi.

Marka 5:43

Hih thu, kuama kiangah a gen loh nadingun Jesu in nakpi takin amaute kham a, tua ciangin, “Numeino an pia un,” ci-in a sawl hi.