Marka 5:30 - Tedim Bible Revision 2017

³⁰ Jesu in ama sung panin a vangliatna a paikhiat lam phawk pah ahih manin mihonpite lakah khuadakin, “Kua in ka puan hong lawng na hi uh hiam?” a ci hi.

Tedim Bible

³⁰ Zeisu in ama tung pan vangliatna paikhia a theih khit ciangin, mihonpi lamah kihei a, “Ka puan kua in lawng hiam?” a ci hi.

Marka 5:30 Referans Kwoze

Luka 6:19

Jesuʼ tung panin vangliatna pai khia-in mi khempeuh damsak ahih manin mi khempeuh in amah lawn ding a hanciam uh hi.

Luka 8:46

Ahi zongin Jesu in, “Ka sung panin vangliatna a paikhiat lamtak phawk ka hih manin mi khat in hong lawng hi,” a ci hi.

Luka 5:17

Khat vei, Jesu in thu hilhin a om laitakin, Galilee gam, Judea gam le Jerusalem khua pan hong pai Farisi-te le Thukham hilh siate pawl khat tua lai munah a tu uh hi. Jesu tungah cina damsak theih nading Pasianʼ vangliatna kipia hi.

1 PETER MASA 2:9

Ahi zongin note pen Pasian in a hong teelkhiat minam, Kumpi siampi pawl, a siangtho minam, Pasianʼ mite na hi uh a, khuamial sung panin a lamdang mahmah ama khuavak sungah a hong sam khia paʼ nasepna a lamdangte a gen khia dingin Pasian in a hong teel mite na hi uh hi.

Marka 5:31

A nungzuite in, “Mihonpite in nang hong nehcih lam na thei hi. Bang hangin kua in hong lawng na hi uh hiam, ci mawk na hi hiam?” a ci uh hi.