Marka 5:23 - Tedim Bible Revision 2017

²³ “Ka tanu si dektak ta hi. Amah a cidam kikin a nuntak theih nadingin hong pai inla, ama tungah na khut hong ngaksak in,” ci-in a thum hi.

Tedim Bible

²³ “Ka tanu a si dektak zo hi. Topa hong pai-in, damkik a, a hin’ theih nadingin ama tungah na khut ngak nadingin kong ngen hi,” ci-in a thuum hi.

Marka 5:23 Referans Kwoze

Luka 13:13

Tua ciangin numei tungah a khut nga a, thakhat thu-in amah ding tang thei-in Pasian a phat pah hi.

Luka 4:40

Ni a tum khit ciangin natna tuamtuam a nei mi khempeuh Jesu kiangah hong paipih uh a, Jesu in amaute khempeuh tungah a khut nga-in a damsak hi.

Marka 16:18

Gul a lawn hangun bangmah ci lo ding uh a, gu tui a dawn hangun zong bangmah ci lo ding uh hi. Cinate tungah a khut uh nga ding uh a, cinate dam ding uh hi,” a ci hi.)

Sawltak 28:8

Publiasʼ pa cisa nat leh gilsan thuahin cina-in lupna tungah a lum hi. Paul zong ama lupna ah va pai-in thu ngetsak a, a tungah a khut nga-in a damsak hi.

Luka 4:38

Kikhopna inn panin Jesu pai khia-in Simonʼ inn ah a lut hi. Simonʼ sungnu nattunin na gim mahmah a, hih ama natna thu Jesu kiangah a gensak uh hi.

Marka 8:23

Jesu in tua mittaw paʼ khut lenin khua nawl ah a paipih hi. A mipaʼ mitah a cil a phih khit ciangin a khut tawh lawng a, “Na khat peuhpeuh na mu thei hiam?” ci-in a dong hi.

Marka 7:32

Mi pawl khat in a bilngongin a pau thei lo mi khat, Jesu kiangah hong paipih uh a, ama tungah a khut a ngaksak nadingin a thum uh hi.

Luka 7:12

Tua khuakulh kongpi a tun laitakun misi vui a hong pai mihon tawh a kituak uh hi. A misi pen meigong khatʼ tapa khat neihsun hi a, tua khua sung mihon tampite in tua si vuina ah meigongnu hong zui uh hi.

Marka 6:13

Dawi tampi hawl khia uh a, cina mi tampi sathau zutin a damsak uh hi.

Mattiu 8:3

Jesu in zong a khut zanin tua mipa lawng a, “Ka hong damsak nuam hi; dam ta in,” a cih khit phetin a phakna a dam pah hi.

Late 107:19

Tua ciangin amaute in a lungkhamna uh ah Topa ko uh a, amauʼ cihmawhna panin amah in a hon khia hi.

Late 50:15

Haksat hun ciangin keima tungah hong ko un. Note kong hon khia dinga, note in keima min nong thangsak ding uh hi,” a ci hi.

2 KUMPI NIHNATE 5:11

Ahih hangin Naaman hehin paikhia a, “En un, amah kei kiangah hong pai khia-in, ka gei ah hong dingin, a Pasian a Topaʼ min loin, a natna mun tungah a khut vanin, kei miphak pa hong damsak taktak ding hi, ci-in ka ngaihsun hi.

Sawltak 9:17

Tua ahih manin Ananias zong pai a, inn sungah a lut khit ciangin Saul lu tungah a khut nga a, “Sanggam Saul aw, hih lai ah nong pai lai-in nangma tungah a hong kilang Jesu mahmah in kei hong sawl hi. Nangmah in khua mu theikikin, Kha Siangtho tawh na kidim theih nadingin nangma kiangah a hong paisak ahi hi,” a ci hi.

Sawltak 6:6

Amaute in sawltakte kiangah hih mite paipih uh a, sawltakte in a lu tung uh ah a khut uh nga-in thu a ngetsak uh hi.

Johan 11:3

Tua ahih manin a nau numei tegel in Jesu kiangah, “Topa aw, na it mipa a ci na hi,” ci-in thu a zasak uh hi.

Marka 5:24

Jesu zong, tua mipa tawh a paikhia khawm hi. Mi tampi tak in zong zui uh ahih manin Jesu a nehcip uh hi.

Sawltak 8:17

Peter le Johan in amaute lu tungah a khut uh a ngak khit uh ciangin Kha Siangtho a ngah uh hi.

Sawltak 9:12

khua a muhkik theih nadingin Ananias min nei mi khat hong pai-in ama lu tungah a khut a ngakna thu, a maang muhna sungah a mu hi,” a ci hi.