Marka 5:22 - Tedim Bible Revision 2017

²² Tua laitakin kikhopna inn a uk, Jairas a kici mi khat hong pai a, Jesu a muh ciangin a khe phung ah bokin,

Tedim Bible

²² Tua lai takin Jairas a min nei, kikhopna inn ukpa khat in va nai a, Zeisu a muh ciangin a khe kiangah bokin,

Marka 5:22 Referans Kwoze

Luka 13:14

Ahi zongin Jesu in Sabbath ni-in cina a damsakna hangin kikhopna inn ukpa a heh suak a, mite kiangah, “Na a kisep theih nading hun ni guk sung om hi. Tua hun sungin hong pai-in kidamsak unla, ahi zongin Sabbath ni-in hong pai kei un,” a ci hi.

Sawltak 18:17

Amaute in kikhopna inn ukpa Sosthenes manin, zum mai ah sat gawp uh a, ahi zongin Gallio in them khat zong phamawh sa lo hi.

Sawltak 18:8

Kikhopna inn ukpa Krispas le a inn sunga om mi khempeuh in Topa thu um uh a, Korin khua-a om midang tampite in zong thuhilhna ngai-in um uh a, tui a kiphum uh hi.

Sawltak 13:15

Kikhopna inn ukte in Moses Thukham Laibu sung le kamsangteʼ laibute a sim khit uh ciangin amaute kiangah, “Sanggamte aw, mihonte tungah hanthotna kam na gen nop uh leh thu nong gen ding uh ka deih uh hi,” a cisak uh hi.

Luka 5:8

Simon Peter in hih thu a muh ciangin Jesuʼ mai ah khukdin a, “Topa aw, mawhnei mi ka hih manin ka kiang panin paikhia in,” a ci hi.

Marka 5:33

Tua numei in ama tunga thupiang thei ahih manin laukawm liingkawmin hong pai-in a khe phung ah hong bok a, a thupiang khempeuh ahi bangbangin a hong gen hi.

Mangmuhna 22:8

Keimah Johan in hih thute za-in ka muh ahi hi. Hih thute za-in ka muh ciangin hih thute kei tungah a hong lak vantungmi a bia dingin a khe phung ah ka bok suk hi.

Luka 8:28

Jesu a muh ciangin nakpi takin awngin a mai ah khukdin a, “A Lian Pasianʼ Tapa Jesu aw, kei bang hong nuammawh na hi hiam? Kei, gim nong piak loh nadingin kong thum hi,” ci-in nakpi takin a kiko hi.

Marka 5:38

Kikhopna inn ukpaʼ inn a tun uh ciangin miteʼ kahna le thumna, a gamlumna uh a mu hi.

Mattiu 2:11

Inn sungah amaute lut uh a, naungek le a nu Mary a mu uh hi. Amaute khukdinin tua naungek a biak khit uh ciangin a van puakte uh suah khia uh a, kham, saledi paknamtui le myrrh paknamtuite, letsongin a pia uh hi.