Marka 5:13 - Tedim Bible Revision 2017

¹³ Tua ahih manin Jesu in dawite a pai nading uh thu pia a, dawite zong mipa sung panin pai khia-in vokte sungah a lut uh hi. Tua vok honpite a vekpi-in tul nih bang pha hi. Mual tung panin tai suk henhan uh a, tuili sung kidenna-in tui kia mang khin uh hi.

Tedim Bible

¹³ Zeisu in thu a piak ciangin kihhuai dawite paikhia uh a, vokte sungah a lut uh leh, vok honpite kensang tung pan taisukin tuili sungah a si khin uh hi. Vokte kisim leh, tulnih bang pha ding hi.

Marka 5:13 Referans Kwoze

JOB (Job) 2:6

Tua ciangin Topa in Satan kiangah, “En in, na khut sungah amah kong ap hi; ahi zongin amah sisak kei in,” a ci hi.

Mangmuhna 20:7

Kum tul khat a cin ciangin a thongkiatna panin Satan kikhah dinga,

Mangmuhna 9:11

Amaute in tua kuahawm thukpi a uk vantungmi pen kumpi-in nei uh a, tua vantungmi a min pen Hebru pau-in Abaddon hi a, Grik pau-in Apollion hi a, “A Susia pa,” a cihnopna ahi hi.

1 PETER MASA 3:22

Tu-in vantungah tua Khris pai khin a, Pasianʼ tak lamah omin, vantung mite le ukna aana a neite khempeuh tungah a ukin a om hi.

Johan 8:44

Note pen na pa uh Dawimangpaʼ tate na hi uh a, na pa uh deihna bangin a gamta nuam na hi uh hi. A kipat a kipanin na pa uh mi that hi a, thuman gen ngei lo ahih manin thuman tawh kipawl thei lo hi. Amah pen zuauna khempeuh a pianna a zuaugen pa ahih manin zuau a gen ciangin ama ngeina hi lel hi.

Mattiu 8:32

Jesu in, “Pai un,” ci ahih manin amaute zong pai khia-in vokte sungah a lut uh hi. Tua vok honte, keen luvum panin tuak suk gawpin tuili sung tu uh ahih manin a vekpi-in tui kia-in a si khin hi.

JOB (Job) 1:12

Tua ciangin Topa in Satan kiangah, “En in, ama neihsa khempeuh na khut sungah kong ap hi; ahi zongin amah taktak ahihleh na su kei ding hi,” a ci hi. Tua ciangin Topaʼ omna panin Satan a paikhia hi.

1 KUMPI MASATE 22:22

Topa in ama kiangah, ‘Bang lam tawh zol ding na hi hiam?’ a ci hi. Amah in, ‘Keimah pai khia-in, ama kamsangte khempeuh sungah a zuau kha ka va hi ding hi,’ ci hi. Tua ciangin amah in, ‘Nangmah in amah a va zol ding na hi a, nangmah in na zo ding hi; paikhia inla tua bangin va hih in,’ ci hi.

Mattiu 7:6

“Uite tungah a siangtho nate pia kei un. Pia le-uhcin hong pet zawsop ding hi. Vokte mai ah na suang manphate uh lot kei un. Lot le-uhcin sikcip lel ding uh hi.

Marka 5:12

Dawite in, “Hua vokte kiang beek ah hong paisak inla, a sungah hong tumsak in,” ci-in a thum uh hi.

Marka 5:14

Tua ciangin tua vokcingte tai-in khua sung le gam sung tengah hih thupiang a gen uh hi. Tua thupiangte a en dingin mite zong hong pai uh hi.