Marka 4:7 - Tedim Bible Revision 2017

⁷ Pawl khatte lingbulsum omna lak tu a, lingte hong selin dep gawp ahih manin bangmah gah zo lo hi.

Tedim Bible

⁷ Kimkhatte in ling lakah a kia hi. Ling kungte khang uh a, dep gawp uh ahih ciangin a gah kei hi.

Marka 4:7 Referans Kwoze

Jeremiah 4:3

Judah gam mite le Jerusalem khua mite tungah Topa in hih bangin ci hi: “Na lote uh kal unla, ling lakah khai vawh kei un.

Luka 8:14

Lingbulsum omna a tukna munte pen Pasianʼ thu za napi-in a nuntakna sung uh ah leitung lunghihmawhna, hauhna le nopsaknate in dep gawp ahih manin bangmah a suak khia zo lote a cihnopna ahi hi.

Luka 21:34

“Limtakin kidawm un. Thakhat thu-in tua Ni hong tung kha ding ahih manin zune anne le leitung nuntakna lunghimawhin thamang kei un.

Luka 12:15

Tua ciangin Jesu in amaute khempeuh kiangah, “Hoihtakin kidawm unla, na huaiham loh nadingun kikem un. Bang hang hiam cih leh bangzah ta-in mi khat a hauh hangin a neihsa tawh a nuntakna taktak kicing zo lo hi,” a ci hi.

Luka 8:7

Pawl khatte, lingbulsum omna leilak tu a, lingte a khan ciangin a dep lum hi.

Mattiu 13:22

Lingbulsum omna leilak ah a tu khaicite pen Pasianʼ thu za napi-in amau nuntakna sung uh ah leitung lunghihmawhna le hauh nopnate in Pasianʼ thu vuknelh ahih manin bangmah a suak khia zo lote a cihnopna ahi hi.

Mattiu 13:7

Pawl khatte, lingbulsum a omna mun leilak tu a, lingbulsumte hong selin hong khang ahih manin ankungte a dep gawp hi.

Mattiu 13:8

Ahi zongin pawl khatte, lei hoihna mun tu-in hong khang hi. Pawl khatte in a zah za khat, pawl khatte in a zah sawm guk, a dangte in a zah sawm thum a gah hi,” ci-in a gen khit ciangin,

Marka 4:6

Tua ankungnote in zung thuk kha zo lo ahih manin nisa in a kat ciangin a keutum pah uh hi.

Marka 4:8

A dangte ahihleh lei hoihna mun tu ahih manin hong po-in khang a, a zah sawm thum, a zah sawm guk, a zah za khat dongin an hong piang hi,” a ci hi.