Marka 4:6 - Tedim Bible Revision 2017

⁶ Tua ankungnote in zung thuk kha zo lo ahih manin nisa in a kat ciangin a keutum pah uh hi.

Tedim Bible

⁶ ni suak a, a sat ciangin zung kha zo lo ahih manin a vulgawp hi.

Marka 4:6 Referans Kwoze

Jeim 1:11

Ni hong suakin a sat ciangin lopate vul a, a paakte pulhin a hoihna teng a bei mah bangin a haute zong manlahin a om laitakun siatna a thuak ding uh ahi hi.

Mangmuhna 7:16

Amaute gilkial cih om nawn lo dinga, a dang uh zong taak nawn lo ding hi. Nisa zong thuak kha nawn lo ding uh a, a sa in zong kaang kha nawn lo ding hi.

Juda 1:12

Noteʼ annek khopna ah zumna mel nei loin hong om gawp uh ahih manin hong siat suah uh a, amauʼ pumpi bek ngaihsun uh hi. Amaute pen cikmahin guah a zusak ngei lo, huih in a letkhiat mang meiipi, tuk hun laitak nangawnin a gah a gah lo, kizunglotin a keutum singkungte,

2 THESALONIKA NIHNA 2:10

gitloh khemna a nam tuamtuam zangin, siatna a thuak ding mite a khem ding hi. Tua bang mite in a suahtak nadingun thuman sang nuam lo, deih lo uh ahih manin siatna a tuak uh ahi hi.

Kolose 2:7

Note tungah a hong kihilh sa bangin ama sungah zung thuk kha unla, ama deihna bangin nungta-in, na upna uh ah khauh semsemin, lungdam takin om un.

Efesa 3:17

na upna hangun note lungsim sungah Khris hong teengin, itna thu ah zung thuk kha-in bulkip na neih nadingun thu ka ngen hi.

Jonah 4:8

Ni hong suah ciangin Pasian in nisuahna lam panin huih a sa mahmah nungsak a, ni in zong Jonahʼ luzang kap suk veva ahih manin a gim mahmah hi. Tua ciangin amah in, “Ka nuntak sangin si leng kei adingin hoih zaw hi,” ci-in a sih nading thu a ngen hi.

Isaiah 25:4

Bang hang hiam cih leh nang pen mizawngte adingin mun muanhuai, a cimawh mite adingin a lungkhamna uh ah mun muanhuai, huihpi panin bukna le nisa panin niliim na hi hi. Bang hang hiam cih leh thu khual lo miteʼ hihna pen huihpi in kulh a nawk gawp tawh kibang a,

Solomon la 1:6

Ka vom manin hong en neu kei un. Nisa ka thuakna hang ahi hi. Ka ute in kei hong gawtbawl uh a, lo hong kuan saksak uh a, ka pumpi ka don man kei hi.

Mattiu 13:6

Ahi zongin ni hong sat ciangin ankungte in zung thuk kha zo lo uh ahih manin tua ankungnote vulin a keu hi.

Marka 4:5

Pawl khatte leihoih a sah lohna mun, suang a kitawphah tung tu a, lei sah lo ahih manin thakhatin po pah hi.

Marka 4:7

Pawl khatte lingbulsum omna lak tu a, lingte hong selin dep gawp ahih manin bangmah gah zo lo hi.