Marka 4:41 - Tedim Bible Revision 2017

⁴¹ A nungzuite in lamdang sa mahmah uh a, “Huihpi le tuihualte nangawn, ama sawl bangin a gamta uh hi,” a ci uh hi.

Tedim Bible

⁴¹ Amaute in lau mahmah uh a, “Hih pa in kua mi ahi hiam? Huih leh tuipi nangawn in a thu ngai tazen uh hi,” ci-in khat leh khat a kikum uh hi.

Marka 4:41 Referans Kwoze

Luka 8:25

Tua ciangin Jesu in a nungzuite kiangah, “Na upna uh koi ah om khinta ahi hiam?” a ci hi. Ahi zongin amaute lau-in lamdang sa uh a, khatlekhat in, “Hih pa kua ahi hiam? Thu a piak ciangin huihpi le tuihualte nangawn in a thu mang uh hi,” a kici uh hi.

JOB (Job) 38:11

Tuipi kiangah, ‘Hih ciang bek na pai dinga, hih banah na kin nawn kei ding hi. Na tuihualte hih ciang bek pai ding hi,’ ka ci hi.

Mattiu 8:27

A nungzuite in lamdang sa mahmah uh a, “Huihpi le tuihualte nangawn in ama thu mang ahih manin hih mipa a bangci mi hi ding ahi hiam?” a ci uh hi.

1 SAMUEL MASA 12:24

Topa zahtak unla, na lungsim khempeuh uh tawh citakin ama na sem un; bang hang hiam cih leh note adingin amah in na lian hong bawlsak sate ngaihsun un.

Mangmuhna 15:4

Topa aw, nang, kua in hong kihta lo dinga, na liatna hong phat lo ding ahi hiam? Nang bek na siangtho hi. Thumanin na sepnate mi khempeuh in mu uh ahih manin minam khempeuh nang kiangah hong pai-in, na mai ah hong bia ding uh hi,” a ci uh hi.

Marka 5:33

Tua numei in ama tunga thupiang thei ahih manin laukawm liingkawmin hong pai-in a khe phung ah hong bok a, a thupiang khempeuh ahi bangbangin a hong gen hi.

Hebru 12:28

Tua ahih manin a kiliingsak zo lo Pasianʼ gam i ngah manin lungdamin, zahtakna le lamdangsakna tawh Pasianʼ lungkimna bangin amah bia ni.

Luka 4:36

Kikhopna inn sunga a om mi khempeuh in lamdang sa mahmah uh a, “Hih a kampaute a bangci kampau ahi hiam? Aana le vang neihna tawh dawi thu pia a, dawite a tai khia uh hi,” a ci uh hi.

Mattiu 14:32

Gunkuang tungah a kah toh khit uh ciangin huihpi nung a dai hi.

Malakhi 2:5

“Amaute a nuntakna ding le a nopsakna ding thu ka ciam a, amaute in kei hong zahtak theih nadingun hih ka thuciamte khempeuh ka pia hi. Amaute in kei hong zahtakin hong kihta takpi uh hi.

Marka 7:37

Amaute in gen zawh loh dongin lamdang sa mahmah uh a, “Hih mipa in sep theih loh bangmah nei lo hi. Bilngongte nangawn khua zasak thei a, a pau thei lote nangawn pau theisak hi,” a ci uh hi.

Marka 4:40

Tua ciangin Jesu in a nungzuite kiangah, “Bang hangin lau na hi uh hiam? Tu ciang dong upna nei nai lo na hi uh hiam?” a ci hi.

Marka 5:1

Tua ciangin Jesu le a nungzuite Galilee Tuili gal khat, Gadara miteʼ gam sung a tung uh hi.