Marka 4:39 - Tedim Bible Revision 2017

³⁹ Jesu zong tho-in, “Nung nawn kei in,” ci-in huihpi thu pia a, tuihualte kiangah, “Kilok nawn kei un,” a ci hi. Tua ciangin huihnung khawlin dai khipkhep pah hi.

Tedim Bible

³⁹ Zeisu thoin huihpi taai a, “Dai in,” ci-in thu a piak ciangin huihnung tawpa a dai pah hi.

Marka 4:39 Referans Kwoze

Late 107:29

Amah in huihpi daisak a, tuipi hualte a bei hi.

Late 89:9

Nang in tuipi khang na uk a, a tuihualte a san ciangin na daisak hi.

Late 65:7

tuipi gingte, tuihualte, mi gamlumte a daisak pa aw,

Late 29:10

Topa in tui thukpite uk a, a tawntung kumpi hihna tawh Topa a tu hi.

Jeremiah 5:22

kei hong kihta lo na hi uh hiam, Topa in kong ci hi. Keima mai ah liing lo na hi uh hiam? Tuipi gei-a om sehnelte keima koih hi a, tui ka dalsak tawntung hi. Tuihualte in a lawhlawh hangin zo zo lo uh a, a gin zuazua uh hangin kantan zo tuan lo uh hi.

Paunak 8:29

tuipi tuite in ama cihna ban a khengin a luan loh nading thu a piak laitak ka om a, leitung bulpi a phuh laitak kei ka om hi.

Late 148:8

mei le gial, tuikhal le vuk, ama thupiakna a mang huihpi!

JOB (Job) 38:11

Tuipi kiangah, ‘Hih ciang bek na pai dinga, hih banah na kin nawn kei ding hi. Na tuihualte hih ciang bek pai ding hi,’ ka ci hi.

Paikhiatna 14:22

Israel mite, tuipi laizang lei keu tungah pai uh a, amauʼ taklam le veilamah kawm bangin tuite om hi.

Marka 9:25

Mihonte amau kiangah a hong kikhawm dingin a hong taina uh Jesu in a muh ciangin, “A pau thei lo, a bilngong dawi aw, hih naupang sung pan paikhia inla, tumkik ngei nawn kei in,” ci-in a taii hi.

Paikhiatna 14:16

Israel mite in lei keu tungtawnin tuipi a kantan theih nadingin na ciangkhut laam to inla, tuipi tungah na khut zanin tuipi khenkham in.

Luka 4:39

Jesu zong pai-in a lupna gei ah dinga, a cinatna a taii ciangin a nattutna dam pah a, amah zong tho zo pahin a zinte a do zo pah hi.

Nahum 1:4

Amah in tuipi a tai ciangin tuipi kangcip pah a, gunpite zong kangcipsak hi. Bashan gam keu gawpin Karmel Mual kausan a, Lebanon Mual a om pakpalhte a vul hi.

Kah la 3:31

Topa in hehpihna nei ahih manin hong nial paisuak lo ding hi.

Mattiu 8:26

Jesu in, “Bang hangin tua ci lau na hi uh hiam? Na upna uh neu mahmah hi,” a cih khit ciangin tho-in huihpi le tuihualte thu pia a, a dai dide pah hi.

Marka 4:38

Jesu pen gunkuang nung lamah lukham khamin ihmu-in a om hi. A nungzuite in amah phongin, “Sia aw, kote si tale ung phamawh hong sa lo na hi hiam?” a ci uh hi.

Luka 4:35

Jesu in tua dawi taii a, “Pau kei inla, ama sung panin paikhia in,” ci-in thu a pia hi. Dawi in a mipa mihon lakah a puksak khit ciangin ama sung panin paikhia a, ahi zongin liamsak lo hi.

Luka 8:24

Nungzuite in Jesu hong naihin phong uh a, “Topa aw, Topa aw, kote ka si dektak uh hi,” a ci uh hi. Jesu zong tho-in huihpi le tui kilok a daih nadingin thu pia a, a thupiak bangin hong dai dide pah hi.