Marka 4:37 - Tedim Bible Revision 2017

³⁷ Tua laitakin nakpi takin huihpi hong nung a, tuihual hong omin gunkuang sungah tui hong dim dektak hi.

Tedim Bible

³⁷ Tua lai takin huih nakpi nung a, tui kilok in gunkuang kipap a, gunkuang sungah tui a dim hi.

Marka 4:37 Referans Kwoze

JOB (Job) 1:19

Tua laitakin sehnel gam panin huihpi pingpei hong nungin a inn mut pai-in na tate deng lum hi. Nang kiangah hih thu a hong ko thei dingin kei bek kong suakta hi,” a ci hi.

Jonah 1:4

Ahih hangin Topa in tuipi tungah huih nakpi-in nungsak a, huihpi hat lua ahih manin teembaw a kisia dekdek hi.

JOB (Job) 1:12

Tua ciangin Topa in Satan kiangah, “En in, ama neihsa khempeuh na khut sungah kong ap hi; ahi zongin amah taktak ahihleh na su kei ding hi,” a ci hi. Tua ciangin Topaʼ omna panin Satan a paikhia hi.

2 KORIN NIHNA 11:25

Rom mite in thum vei hong sat a, khatvei suang tawh hong deng uh hi. Teembaw siatna thum vei ka tuak a, sun khat le zan khat tawntung tui tungah ka laam ngei hi.

Sawltak 27:41

Ahi zongin teembaw in sehnel hong phukha-in a tum hi. Teembaw mailam lei sungah tumin taang thei nawn lo a, teembaw nung lam pen tuihual in hong satkham gawp hi.

Marka 4:36

Tua ahih ciangin a nungzuite in mihonpite nusia-in Jesu a na tuanna sa gunkuang tungah kahin a gunkuang tawh a paikhiatpih uh hi. Gunkuang dangte in zong amau a zui uh hi.

Marka 4:38

Jesu pen gunkuang nung lamah lukham khamin ihmu-in a om hi. A nungzuite in amah phongin, “Sia aw, kote si tale ung phamawh hong sa lo na hi hiam?” a ci uh hi.