Marka 4:28 - Tedim Bible Revision 2017

²⁸ Leitang in ama thu-in na khangsak tawm a, a masa-in a tehno, tua ciangin a kung, tua ciangin a tak a om dongin na khangsak hi.

Tedim Bible

²⁸ Lei in ama thuin gahsak hi. A masa belin a kung, tua khit ciangin a vui, tua khit ciangin a vui sungah gah taksa a piang thei hi.

Marka 4:28 Referans Kwoze

Hosea 6:3

Topa i theih zawh nadingin hanciam ni. Zingsang sialin pel loin khua a vak mah bangin pel loin eite kiangah amah hong pai dinga, lei a kawtsak khuapi guah pel loin hong zuk bangin eite kiangah amah hong pai hamtang ding hi,” a ci ding uh hi.

Kolose 1:10

Tua bang hileh Topaʼ deihna bangin nungta-in, amah a lungkimsak ding thute bek na sem tawntung ding uh a, na gamtatnate uh a hoih bekbek hong hi-in, Pasianʼ thu na theihna uh hong khang semsem ding hi.

Filippi 1:6

Note sungah hih nasep hoih a hong pan khia Pasian in Jesu Khris hong paikik hun ciang dong, mi cingtaak na hih nadingun hong huh ding hi, ci-in teltakin ka thei hi.

Mattiu 13:26

Taangte hong po-in a vuih hun ding ciangin tahum kungte zong hong lianin hong kilang hi.

Isaiah 61:11

Bang hang hiam cih leh leitung in a dawn meengsakin, huan in a kituhte a posak mah bangin Topa Pasian in minam khempeuh mai ah thumanna le phatna a po khiasak hi.

Thuhilh-sia 3:11

Amah in na khempeuh amauʼ hun ciat tawh a kituak dingin a bawl hi. Amah in mailam thu theihnopna lungsim eite tungah hong guan a, ahi zongin ama sepnate a cing a theih zawh nading hong guan lo hi.

Thuhilh-sia 3:1

Hih leitungah a piang thu khempeuh, Pasian in ama pian hun dinga a seh sa hunin a piansak ahi hi.

Paunak 4:18

Ahi zongin thuman miteʼ zuih lampi ahihleh sun dong a taang pha semsem zingsang khuavak tung tawh kibang hi.

Late 1:3

Amah pen luitui luang gei-a a kisuan, ama gah hunin gah a, a teh a vul ngei lo, singkung tawh kibang hi. Ama hihna khempeuh ah a maa pai mahmah hi.

Piancilna 2:9

A deihhuai, nek dinga a hoih singkung nam khempeuh, huan laizang ah nuntakna singkung le a pha le a sia theihna singkung, lei sung panin Topa Pasian in posak hi.

Marka 4:27

Khaici vawhpa zanin ihmu a, zingsangin tho-in sunin a nasep ngei teng a sem hi. Tua kikal sungin a khaici na po-in na khang a, ahi zongin tua a khan theihna zia amah in a thu thei lo hi.

Marka 4:29

An a min ciangin an lak ding hun ahih manin amah in a phiaukawi tawh an at ding a kipan hi,” a ci hi.