Marka 4:17 - Tedim Bible Revision 2017

¹⁷ Ahi zongin amaute sungah thuktum lo ahih manin sau veipi kip lo hi. Tua thu hangin lungkhamna ahi a, bawlsiatna ahi zongin a tun ciangin a puk pah uh hi.

Tedim Bible

¹⁷ Amaute sungah zung kha lo uh ahih ciangin, tawlkhat kikal bek a kip uh hi. A thu hangah gimna ahi zongin, bawlsiatna ahi zongin a thuak uh ciangin thakhatin a puk uh hi.

Marka 4:17 Referans Kwoze

Mattiu 11:6

Kei hong umte pen a lungdamhuai mahmah ahi hi,” ci-in a dawng hi.

Mangmuhna 2:10

Na thuak ding uh haksatnate kihta kei un. Dawimangpa in note pawl khat thong sungah hong khia-in hong ze-et ding hi. Gimna na thuak hun ding uh ni sawm sung bek hi ding hi. Na sih dongun kei tungah hong citak un. Tua hileh nuntakna lukhu kong pia ding hi.

Mattiu 12:31

Tua ahih manin note kiangah kong genin ah: Mihingteʼ kampau khialhna le gamtat khialhnate kimaisak thei dinga, ahi zongin Kha Siangtho langpangin a gensiate kimaisak lo ding hi.

Mangmuhna 2:13

Satan in a kumpi tokhom a phuhna munah a om na hih lamtak uh ka thei hi. Keima thu citakin teci a pang cinten Antipas, Satanʼ omna munah a kithah hun laitak nangawnin kei na hong upna uh na khahsuah kei uh hi.

1 JOHAN MASA 2:19

Khrisʼ gal ahi hih mite pen eiʼ pawl hi ngei napi-in hong taisan uh hi. Eiʼ pawl taktak hileh eite tawh om khawm paisuak ding uh ahih manin, tu-in amaute paikhia uh ahih ciangin eiʼ pawl taktak ahih lohna uh hong kilang hi.

Hebru 10:29

Tua bang ahihleh Pasianʼ Tapa a simmawh, mawhna a hong maisak Pasianʼ thuciamna sisan a thudon lo, Pasianʼ hehpihna a hong puak Kha Siangtho a hehsakteʼ thuak ding bangzah takin lian zaw kan ding ahi hiam?

2 TIMOTI NIHNA 4:16

Keimah kihut nading thu ka gen masak ni-in kuamah in hong kop pih loin hong taisan mang uh hi. Tua thu hangin mawhsakna thuak kei beek uh hen!

2 TIMOTI NIHNA 1:15

Na theih sa bangin Asia gam sunga om mi khempeuh in kei hong nusia uh a, tuate lakah Figelas le Hermogenes te zong kihel uh hi.

Johan 8:31

Tua ahih manin amah a um Jew mite kiangah Jesu in, “Ka thuhilhnate na zuih paisuak nak uh leh ka nungzui taktakte na hi ding uh hi.

Luka 12:10

Mihing Tapa a langpangte a mawhna uh kimaisak thei dinga, Kha Siangtho a langpangte a mawhna uh kimaisak lo ding hi.

Mattiu 13:21

Ahi zongin amaute sungah thuktum zo lo ahih manin tawl khat sung bek um uh hi. Tua ahih manin Pasianʼ thu hangin haksatna ahi a, bawlsiatna ahi zongin khat peuhpeuh a tun ciangin tawpkik pah uh hi.

JOB (Job) 19:28

Bang hang hiam cih leh, ‘Amah bangci gimsak thei ding ihi hiam?’ na ci uh hi. Kei nong suktheih nadingun paulap khatpeuh na zong uh hi.

2 TIMOTI NIHNA 4:10

Demas in hih leitung thu kin zaw ahih manin kei hong nusia-in Thesalonika khua ah a pai hi. Kresen, Galatia gamah pai a, Titus, Dalmatia gamah pai hi.

Galati 6:12

Note in na vun uh na at nadingun a hong hah bawl mite in mihoih ahihna uh kilangsak nuamin, a kimu thei nate a kisialh pih mite ahi uh hi. Singlamteh tungah Khris a sihna thu hangin amaute in bawlsiatna a ngah loh nadingun a tua ci gamtat ahi uh hi.

Marka 4:16

Mi pawl khatte, khaici pawl khat a tukna suang kitawphah leilak tawh kibang uh hi. Thu a zak phetun lungdam takin sang uh hi.

Marka 4:18

Mi pawl khatte, khaici pawl khat a tukna mun lingbulsum a omna leilak tawh kibang uh hi. Hih bang mite in Pasianʼ thu a zak hangun,