Marka 3:35 - Tedim Bible Revision 2017

³⁵ Pasianʼ deihna bangin a gamta mi khempeuh ka nu le ka sanggamte ahi uh hi,” a ci hi.

Tedim Bible

³⁵ Bang hang hiam na cih uh leh, vantung khua-ah a om ka Pa’ deihna bang a gamtate in ka sanggampa, ka sanggamnu, ka nute ahi uh hi,” a ci hi.

Marka 3:35 Referans Kwoze

1 JOHAN MASA 2:17

Leitung nate le leitung deihnate a beibei ding hi ta a, ahi zongin Pasianʼ deihna bangin a gamta mite pen kip tawntung ding hi.

Mattiu 7:21

“Kei kiangah, ‘Topa, Topa aw,’ hong ci mi khempeuh, vantung ki-ukna sungah lut thei kim lo ding uh a, vantungah a om ka Paʼ deihna bangin a gamta teng bek lut thei ding uh hi.

Johan 7:17

Pasianʼ deihna bangin a gamta nuam mi peuhmah in, ka thugente pen Pasianʼ kiang panin a hong pai thu a gen ka hihna leh keima thu bek tawh a gen ka hihna khen thei ding uh hi.

Jeim 1:25

Ahi zongin mite a suaktasak thei thukham cingtaak hoihtakin a et khit ciangin a thu ngai-in a mangngilh pah hi loin, hoihtakin ngaihsun tawntungin a zuite pen a sepna khempeuh uh ah Pasian in thupha a pia ding hi.

Efesa 6:6

A hong pahtak ding uh deihna tawh amauteʼ muh sung bekin tua ci gamtat kei unla, Khrisʼ sila na hihna hangun Pasianʼ hong deih bangin lungsim takpi tawh na sem un.

Hebru 10:36

Pasianʼ deihna bangin gamta-in, ama thuciam na ngah theih nadingun lungduai-in thuak zawhna na kisam uh hi.

1 PETER MASA 4:2

Tua ahih manin tu a kipanin na leitung nuntak sung uh mihingteʼ deihna bangin gamta loin Pasianʼ deihna bangin na gamtat ding uh ahi hi.