Marka 3:29 - Tedim Bible Revision 2017

²⁹ Ahi zongin Kha Siangtho langpangin thu a gente in mawhna kip su kha uh ahih manin a mawhna uh kimaisak ngei lo ding hi,” a ci hi.

Tedim Bible

²⁹ Ahih hangin, Kha Siangtho a gensiate in mawh maisak nading thu cikmah hunin a ngah kei ding hi. Tua pa in a tawntung khialhna thuakpa ahi ding hi,” a ci hi.

Marka 3:29 Referans Kwoze

Luka 12:10

Mihing Tapa a langpangte a mawhna uh kimaisak thei dinga, Kha Siangtho a langpangte a mawhna uh kimaisak lo ding hi.

2 THESALONIKA NIHNA 1:9

Ama mite khempeuh le thu um mite khempeuh hangin minthanna le pahtawina a ngah dingin Topa hong pai Ni ciangin a noptuak mahmah Topaʼ minthanna huam sung panin amaute kihawl khia dinga, tawntung suksiatna dan a thuak ding uh hi. Ahi zongin note in kong gen uh thute um na hih manun tua nopna sungah na om ding uh hi.

Juda 1:13

a sepna uh tawh amau mahʼ maizum nading a piangsak tuipi hualte le Pasian in amauteʼ om nadingin lei sung khuamial thukpi a koihsak tawntung, a lampial aksite tawh kibang bek uh hi.

Marka 12:40

Meigong numeite tungah nuamtak sa-in a neihsate laksakin zang mang uh a, mite in mihoih a sak theih nading uh a deihna hangun thu sau pipi a ngen uh hi. Amauʼ kineihkhemna tawh kizui-in a gimthuak ding uh lian zaw ding hi,” a ci hi.

Mattiu 25:46

Tua ahih ciangin tawntung gim thuakna sungah amaute pai ding uh a, mihoihte ahihleh nuntak tawntungna sungah lut ding uh hi,” a ci hi.

Juda 1:7

Sodom khua le Gomorrah khua le a kiim a om khuapi mite zong tua vantung mite mah bangin gamta uh a, numei tawh mawhnopna bek tham loin pasal le pasal kilunggulhna ciang dong nei uh ahih manin midangteʼ etteh dingin tawntung meikuang a thuak uh hi.

Mattiu 9:3

Tua ciangin Thukham hilh siate pawl khat in a lungsim uh ah, “Pasian tawh a kikim bangin kampau ahih manin hih mipa in Pasian a dem ahi hi,” ci-in a ngaihsun uh hi.

Marka 3:30

(Mi pawl khatte in, “Jesu in dawi vei hi,” ci uh ahih manin hih bangin thu a gen ahi hi.)