Marka 3:27 - Tedim Bible Revision 2017

²⁷ Mi thahatpa hencip masa lopi-in kuamah in mi thahatpaʼ inn sung pan a neihsate laksak zo lo ding hi. A hencip khit ciang bekin laksak zo pan bek ding hi.

Tedim Bible

²⁷ Mi thahatpa a hen masak kei leh, kuamah in mi hatpa’ inn sungah tumin ama sumte a sut zo kei ding hi. Mi thahatpa a hen khit ciangin, ama inn sungah sumte a sut ding hi.”

Marka 3:27 Referans Kwoze

Mattiu 12:29

Mi khatpeuh in mi thahat khat paʼ inn sungah lutin a neihsate a laksak theih nadingin tua inn nei a thahatpa a hencip masak phot ding kisam hi. A hencip zawh khit ciang bekin a inn ah lutin a neihsate la thei pan hi.

1 JOHAN MASA 4:4

Ka it tate aw, note, Pasianʼ mite na hi uh a, tua bang kamsang kineihkhemte a zo khin na hi uh hi. Bang hang hiam cih leh leitung mite a panpih dawimangpa sangin note hong ompih Pasian vanglian zaw hi.

Isaiah 53:12

Tua ahih ciangin amah pen mi liante tawh nate ka hawmsak dinga, amah in mihatte tawh nate a hawm ding hi. Bang hang hiam cih leh amah in sihna dongin a nuntakna pia khia a, khialhna a nei mite tawh a kisim khawm hi. Ahih hangin amah in mi tampiʼ mawhna pua a, khialhna a neite adingin a thumsak hi.

Isaiah 27:1

Tua ni ciangin Topa in a sak mahmah, a lian mahmah, a to mahmah namsau tawh, a tai khia gulpi ahi Awle, a kikualvial gulpi ahi Awle gim pia dinga, amah in tuipi sunga om tua gulpi a that ding hi.

1 JOHAN MASA 3:8

A kipat cil a kipanin Dawimangpa in mawhna bawl tawntung ahih manin mawhna a bawl mi khempeuhte zong Dawimangpaʼ mi ahi hi. Hih Dawimangpaʼ nasepna a beisak dingin Pasianʼ Tapa a hong pai hi.

Kolose 2:15

Amah in huihlak a ukte le vangliatna a nei khempeuh, singlamteh tungah zo gawp khin a, gal zote in a sal matte a kaih uh bangin mi khempeuh muhin a gualzawhna a lak hi.

Johan 12:31

Tu-in leitung thukhen ding hun hong tung ta a, hih leitung a ukpa kilawn khia ding hi.

Isaiah 61:1

Gimna a thuak mite tungah thuhoih a puak dingin Topa in kei hong teelin hong sawl ahih manin keima sungah Topa Pasian’ kha hong om hi. Lungsim kitamzante a damsak ding, salin a kimante tungah suahtakna thu a gen ding, a kikhum mite adingin thong kong a hong ding,

Hebru 2:14

Tate a cih mite pen leitung cilesa a nei mite ahih manin, ama sihna hangin sihna a uk Dawimangpa a suk gawp theih nadingin Jesu in mihing pianzia mah hong nei phot hi.

ROM (Romans) 16:20

Tua hileh eite tungah nopsakna a hong pia thei Pasian in Satan tuancilin noteʼ khenuai mi hong hisak baih ding hi. I Topa Jesu Khris hong hehpihna thupha, note tungah om tahen.

Piancilna 3:15

Nang le numei kikal na suanlekhakte le ama suanlekhakte kikalah kilangneihna ka omsak ding hi. Amah in na lutang hong sunim dinga, nang in ama khetul na sunim ding hi,” a ci hi.