Marka 3:24 - Tedim Bible Revision 2017

²⁴ Gam khat peuhpeuh phel nih kisuahin kido le-uh tua gam kip lo ding hi.

Tedim Bible

²⁴ Gamkhat sung mi kilem loin a kikhen leh, a kip zo kei ding hi.

Marka 3:24 Referans Kwoze

Zekhariah 11:14

Tua ciangin “Kipawlna” a kici ciangkhut la-in ka kuaitan leuleu a, Judah le Israel a kipawlna kiphiat hi.

Ezekiel 37:22

Israel mual tung gamah, amaute minam khatin ka gawmkik ding hi. Amaute a uk ding kumpi khat nei ding uh a, amaute minam nihin kikhen nawn lo ding uh a, kumpi gam nihin zong kikhen nawn lo ding uh hi.

2 SAMUEL NIHNA 20:6

Tua ciangin David in Abishai kiangah, “Tu-in Bikhriʼ tapa Sheba in Absalom sangin eite tungah siatna tam zaw hong bawl ding hi. Na topaʼ nasemte la inla, amah delh in. Tua hikeileh amah in ama adingin khuapi muanhuaite ngahin eite tungah buaina hong piangsak ding hi,” a ci hi.

2 SAMUEL NIHNA 20:1

Tu-in tua lai ah Benjamin mi, Bikhriʼ tapa Sheba min nei, mi ginalo khat hong om kha hi. Amah in peengkul tumin, “Davidʼ sungah tanh i nei kei a, Jessiʼ tapaʼ sungah gamh i nei kei hi; na inn ciat uh ah ciah un, Israel-te aw,” a ci hi.

Johan 17:21

Pa aw, amaute khempeuh pum khat a suah theih nadingun ka hong ngetsak hi. Nangmah in kei na hong sawlna thu leitung mite in a up theih nadingun ei tegel pawl khat ihih mah bangin amaute zong eite tawh pawl khat hong hi tahen.

Mattiu 12:25

Jesu in amauteʼ ngaihsutna thei ahih manin amaute kiangah, “Gam khat peuhpeuh, a gam mite kiphelkhamin pawl khat le pawl khat kido le-uh tua gam a sia suak ding hi; khua khat ahi a, innkuan khat ahi zongin kiphelkhamin kido le-uh kip lo ding hi.

Marka 3:23

Tua ahih ciangin Jesu in ama kiangah mite samin thu gentehna tawh thu hilh a, “Satan in Satan bangci hawlkhiat theih ding ahi hiam?

Marka 3:25

Innkuan khat peuhpeuh phel nih kisuahin kido le-uh tua innkuan kip zo lo ding hi.