Marka 3:21 - Tedim Bible Revision 2017

²¹ A innkuanpihte in hih thu a zak uh ciangin Jesu a la dingin hong kuan khia uh hi. Bang hang hiam cih leh, “Jesu mihai suakta hi,” a kicihna thu a za uh hi.

Tedim Bible

²¹ Ama lawmte in a zak uh ciangin a man dingin a pai uh hi. Bang hang hiam i cih leh, “Amah a hai hi,” a ci uh hi.

Marka 3:21 Referans Kwoze

Sawltak 26:24

Hih bangin amah kiphelna thu Paul in a gen ciangin Festas in, “Paul aw, mihai na hi ta hi. Na pil sinna teng in mihai hong suaksak ta hi,” ci-in nakpi takin a kiko hi.

Johan 10:20

Mi tampi tak in, “Hih pa pen dawivei, mihai hi lel ahih manin a thugen ngaih taak lo hi,” ci uh a,

Marka 3:31

Tua laitakin a nu le a naute hong tung uh a, inn pua lamah ngakin, Jesu a sam dingin mi a sawl uh hi.

2 KORIN NIHNA 5:13

Mihai ka hih uh leh zong Pasianʼ minthan nading hi a, mipil ka hih uh leh zong noteʼ phattuam nading mah hi veve hi.

2 KUMPI NIHNATE 9:11

A topaʼ nasemte kiangah Jehu hong pusuah ciangin amaute in ama kiangah, “Thu khempeuh a hoih hiam? Bang hangin hih mihai pa nang kiangah hong pai ahi hiam?” a ci uh hi. Tua ciangin amah in amaute kiangah, “A mipa le a thugen na thei uh hi,” a ci hi.

Hosea 9:7

Gim thuakna hun hong tung ta a, thukkikna hun hong tung ta hi. Tua hun ciangin Israel mite in na thei ding uh hi. Noteʼ mawhna hang le note in kei nong muhdah luat manun, “Hih kamsang pa mihai hi; hih thumu pa lungsim kicing lo hi,” nong ci uh hi.

Jeremiah 29:26

“Topa in siampi Jehoiada tangin nangmah siampi-in hong koih khinzo a, Topaʼ biakinnpi sungah a ukpi ding na hi ta hi. Tua ahih manin thu a hilh mawkmawk mihaite thong kiasakin kol na bulh ding hi.