Marka 3:20 - Tedim Bible Revision 2017

²⁰ ama kiangah mihonpi hong kikhawmkik zel ahih manin Jesu le a nungzuite in an nangawn ne thei lo uh hi.

Tedim Bible

²⁰ Zeisu innah lut a, an kine thei lo zawzenin mihonpite khatvei a kikhawm kik uh hi.

Marka 3:20 Referans Kwoze

Marka 6:31

Mi a ciah leh a kuan kiphamat uh ahih manin Jesu le a nungzuite in annek nading hun nangawn nei man lo uh hi. Tua ahih manin Jesu in, “Ei guak i om theih nading mun khat ah paikhia ni; tua lai ah na tawlnga thei ding uh hi,” a ci hi.

Luka 6:17

Tua mual tung panin Jesu le a nungzui teelte pai suk uh a, a nung a zui midang tampite tawh mun zang khat ah a ding hi. Jerusalem khua le Judea gam khempeuh le tuipi gei-a om Taia khua le Sidon khuapite panin a hong pai mihon tampi zong hong om uh hi.

Marka 9:28

Inn sungah Jesu a tum khit ciangin a nungzuite in, “Bang hangin kote in dawi hawl khia thei lo ka hi uh hiam?” ci-in a dongsim uh hi.

Marka 7:17

Mihonpite nusia-in inn sungah a lut khit ciangin a nungzuite in hih thu gentehna thu a dong uh hi.

Marka 3:9

Mihonte tam lua mahmah ahih manin amaute in Jesu a nehcip gawp khak loh nadingin ama om nading gunkuang khat a koih nadingun a nungzuite a sawl hi.

Marka 3:7

Tua lai panin Galilee Tuili ah Jesu le a nungzuite pai uh a, Galilee gam, Judea gam,

Marka 1:45

Ahih hangin a mipa pai khia-in a paina khempeuh ah hih thupiang khempeuh gen belin a nei hi. Hih thu nakgen lua-in kitheithang gawp ahih manin, tua hun a kipanin miteʼ theihin khua sungah Jesu lut thei nawn lo hi. Tua ahih manin gamdaihna munah amah om a, mun khempeuh panin ama kiangah mite a hong pai uh hi.

Marka 2:1

Tua zawh ni tawm khat khit ciangin Kapernaum khua ah Jesu hong paikik a, inn ah a omna thu hong kitheithang hi.

Marka 3:19

le Jesu a lehhek Iskariotʼ tapa Judas ahi uh hi. Tua lai panin inn ah Jesu ciah a,