Marka 3:11 - Tedim Bible Revision 2017

¹¹ Tua laitakin miteʼ sunga lut dawite in Jesu a muh uh ciangin a mai ah pukin kiko uh a, “Nang pen Pasianʼ Tapa na hi hi,” a ci uh hi.

Tedim Bible

¹¹ A kihhuai dawite in Topa a muh uh ciangin a mai-ah bok uh a, “Nangmah in Pasian’ Tapa na hi hi,” ci-in a kiko uh hi.

Marka 3:11 Referans Kwoze

Luka 4:41

Mi tampi sung panin dawite zong tai khia uh a, “Nang pen Pasianʼ Tapa na hi hi,” ci-in a kiko uh hi. Amah pen Khris ahih lam thei uh ahih manin amaute taii-in pausak lo hi.

Luka 8:28

Jesu a muh ciangin nakpi takin awngin a mai ah khukdin a, “A Lian Pasianʼ Tapa Jesu aw, kei bang hong nuammawh na hi hiam? Kei, gim nong piak loh nadingin kong thum hi,” ci-in nakpi takin a kiko hi.

Jeim 2:19

Pasian khat bek om hi, ci-in na um hi. Tua pen hoih mahmah hi. Dawite nangawn in zong tua bangin umin lau-in liing deldel uh hi.

Mattiu 8:29

Amaute nakpi takin hong kiko uh a, “Pasianʼ Tapa aw, kote bang hong nuammawh na hi hiam? A hun tung nai lopi-in kote gim a pia dingin hong pai na hi hiam?” a ci uh hi.

Mattiu 4:3

Tua ciangin ama kiangah Dawimangpa hong pai a, “Pasianʼ Tapa na hih takpi leh hih suangte anlum a suah nadingin thu pia in,” a ci hi.

Sawltak 16:17

Tua numei in Paul le kote hong zui-in, “Hih mite, A Lianpen Pasianʼ nasemte ahi uh hi. Note a hong kihotkhiat theih nading thu a hong gen uh ahi hi,” ci-in a kiko hi.

Mattiu 8:31

Tua ciangin dawite in Jesu kiangah, “Kote hong hawl khia ding na hih leh hua vokte sungah hong lutsak in,” ci-in a thum uh ciangin

Mattiu 4:6

“Pasianʼ Tapa taktak na hih leh Lai Siangtho sungah, ‘Pasian in nang a hong kem dingin a vantung mite hong sawl ding hi. Na khete le suang a kitah khak loh nadingin vantung mite in a khut uh tawh nang hong dom ding hi,’ ci-in kigelh ahih manin, hih lai panin tuak suk in,” a ci hi.

Mattiu 14:33

Tua ciangin gunkuang sungah a om nungzuite in Jesu bia uh a, “Pasianʼ Tapa taktak na hi hi,” ci-in a gen uh hi.

Marka 1:1

Pasianʼ Tapa Jesu Khris tawh kisai Lungdamna Thu hih bang ahi hi.

1 KORIN MASA 11:34

Tua bangin na kikhop uh ciangin Pasianʼ thukhenna na thuakkhak loh nadingun a gilkial na om uh leh zong na inn uh ah an ne masa un. Thu dangdangte ahihleh ka hong pai ciangin kong gen ding hi.