Marka 3:10 - Tedim Bible Revision 2017

¹⁰ Amah in cina mi tampi damsak khin ahih manin, Jesu a lawn theih nadingun cina khempeuh in amah hong naih ciat uh hi.

Tedim Bible

¹⁰ Bang hang hiam i cih leh, Zeisu in mi tampi damsak ahih ciangin, cina, luna, bawlsiatna a thuak mite in amah a lawn’ nadingun a va neh nuam uh hi.

Marka 3:10 Referans Kwoze

Marka 6:56

Khuapi, khua neu le khua kete a a paina khempeuh ah, mite in mihon kikhopna munah cinate hong pua uh a, a puan mongteep beek a lawnsak nading deihin Jesu kiangah a thum uh hi. A puan mongteep a lawng kha mi khempeuh cidam pahpah uh hi.

Mattiu 14:36

Ama puan mongteep beek a lawnkhak theih nadingun Jesu kiangah ngen uh a, a puan mongteep a lawng mi khempeuh in damna a ngah uh hi.

Mattiu 4:23

Galilee gam sung khempeuh ah Jesu pai kawikawi a, amauʼ kikhopna innte ah thu hilhin, vantung ki-ukna hangin lungdamna thute hilh a, natna tuamtuam a nei cina khempeuh a damsak hi.

Sawltak 5:15

Hih bangin sawltakteʼ nasepna hangin kongzing ah cinate hong kipua a, Peter hong pai ciangin a liim in cinate a liah khak theih nading deihin a lupna le a lupna pheekte uh tawh lam gei ah a koih uh hi.

Luka 7:2

Tua khua sungah Rom mi galkap bu khat om a, tua bupa in a it mahmah nasem khat a nei hi. Tua a nasem pa a ci na-in a si dektak hi.

Hebru 12:6

Bang hang hiam cih leh Topa in a it mite thuhilh a, ta taktakin a ngaihsut mite a taii hi,” hong ci hi.

Marka 5:34

Jesu in zong tua nu kiangah, “Ka tanu aw, na upna in nang hong damsak zo hi. Cidam suak inla, lungnuam takin va ciah in,” a ci hi.

Mattiu 14:14

Tui gei ah Jesu a tun ciangin mihon tampi a na om a mu hi. Amaute hehpihhuai sa a, a cinate a damsak hi.

Mattiu 12:15

Jesu in amah a kisawmna thu a theih ciangin tua mun panin a paikhia hi. Mi tampi in amah hong zui uh hi. Amah in cina mi khempeuh damsak a,

Gamlak-vakna 11:33

Sa a kigaih ma, amauʼ ha kawmah sa a baang laipi mahin, miteʼ tungah Topa hong heh mahmah a, Topa in gimna lianpi khat tawh mite a vat gawp hi.

Piancilna 12:17

Ahih hangin Topa in Abramʼ zi Saraiʼ huhau-in Faro le a innkuanpihte gimna lianpi thuaksak hi.

Marka 8:22

Tua ciangin Bethsaida khua tung uh hi. Mi pawl khat in Jesu kiangah mittaw khat hong paipih uh a, amah a lawn nadingun a thum uh hi.

Luka 5:3

Tua gunkuangte lak pan Simonʼ gunkuang sungah Jesu tuang a, lei tawh tawm a kigamla zek dingin a gunkuang a hawh nadingin Simon kiangah a gen hi. Tua ciangin gunkuang sungah tu a, tua lai panin thu a hilh hi.

Luka 6:19

Jesuʼ tung panin vangliatna pai khia-in mi khempeuh damsak ahih manin mi khempeuh in amah lawn ding a hanciam uh hi.

Luka 7:21

Tua hun laitak mahmah in natna a tuamtuamte tampi damsakin, dawivei mite sung panin dawite hawl khia a, mittaw mi tampi khua a musak hi.