Marka 2:9 - Tedim Bible Revision 2017

⁹ Hih khutlekhe zaw mipa kiangah, ‘Na mawhna hong kimaisak khin hi,’ cih ding le, ‘Tho-in na lupna pheek la inla pai dih in,’ cih ding koi baih zaw ahi hiam?

Tedim Bible

⁹ Khut-le-khe sipa kiangah bang pen ci leng a baih zaw hiam? ‘Na mawhna kimaisak zo hi,’ ci leng baih zaw hiam? ‘Tho in la, pai in,’ ci leng a baih zaw hiam?

Marka 2:9 Referans Kwoze

Mattiu 9:5

‘Na mawhna hong kimaisak hi,’ cih ding le, ‘Tho inla pai in,’ cih ding koi baih zaw ahi hiam? Kampau lel pen baih mahmah hi.

Mattiu 4:24

Syria gam sung khempeuh ah ama thu kizel ahih manin dawivei mi, sibup mi, khut zaw khe zaw mi a kipanin natna satna a tuamtuam a nei mi khempeuh ama kiangah hong kipuak a, amah in a vekpi-in a damsak hi.

Mattiu 9:2

Mi pawl khat in khutlekhe zaw mi khat, a lupna pheek tawh hong pua-in Jesu kiang a hong tunpih uh hi. Jesu in amauteʼ upna a muh ciangin a cina mipa kiangah, “Ka ta aw, na lungsim kinuamsak in; na mawhna hong kimaisak khinta hi,” a ci hi.

Marka 2:8

Jesu in a lungsim sung uh a amau ngaihsutna thei pah ahih manin amaute kiangah, “Bang hangin tua bangin ngaihsun na hi uh hiam?

Marka 2:10

Ahi zongin Mihing Tapa in leitungah mawhmaisak theih nading thu nei hi, ci-in na theih nadingun kong lak ding hi,” a ci hi. Tua ahih manin khutlekhe zaw mipa kiangah,

Luka 7:48

Tua ciangin Jesu in numei kiangah, “Na mawhnate hong kimaisak khin hi,” a ci hi.