Marka 2:8 - Tedim Bible Revision 2017

⁸ Jesu in a lungsim sung uh a amau ngaihsutna thei pah ahih manin amaute kiangah, “Bang hangin tua bangin ngaihsun na hi uh hiam?

Tedim Bible

⁸ Zeisu in amaute’ lungsim sung uh ah a ngaihsut uh a kha in a theih ciangin, “Note in bang hangin na lungsim sung uh ah hih thu ngaihsun na hi uh hiam?

Marka 2:8 Referans Kwoze

Sawltak 8:22

Tua ahih manin na ngaihsut hoih lohna panin kisikkik inla, hih bang na ngaihsutna thu ah na mawhna hong maisak theih nadingin Topa kiangah thu ngen in.

Sawltak 5:3

Peter in, “Ananias aw, bang hangin Satanʼ thu-in gamta a, na lo zuak man sumte pawl khat kem simin, Kha Siangtho khem na hi hiam?

Johan 6:64

Tua hi napi-in note pawl khat in na um kei uh hi,” a ci hi. (Jesu in a kipat cil pek a kipanin kua teng in ama thu um dinga, kua teng in amah lehpei ding cih thu thei khinzo hi.)

Luka 24:38

Tua ciangin Jesu in amaute kiangah, “Bang hangin lungmang a, bang hangin lungka na hi uh hiam?

Luka 6:8

Ahi zongin Jesu in amauʼ ngaihsutna thei ahih manin a khut zaw mipa kiangah, “Ding inla, mihonte mai hih lai munah hong pai in,” a ci hi. A mipa zong hong pai-in mihon mai ah a hong ding hi.

Luka 5:22

Jesu in amauteʼ ngaihsutna thei ahih manin amaute kiangah, “Bang hangin tua bangin ngaihsun na hi uh hiam?

Mattiu 9:4

Ahi zongin Jesu in amauteʼ ngaihsutna thei ahih manin, “Bang hangin a sia lamin ngaihsun na hi uh hiam?

Ezekiel 38:10

“Topa Pasian ahi keimah in nang Gog tungah kong genin ah: Tua hun ding hong tun ciangin na lungsim sungah gitloh gamtat ding ngaihsut na kipan ding hi.

Late 139:2

Nangmah in ka hek sukna, ka hek tohnate na thei hi. Nangmah in ka ngaihsutnate gamlapi pek panin na thei hi.

Hebru 4:13

Pasianʼ mai ah seelcip theih ding bangmah om lo hi. Eite khempeuh i din nading paʼ mai ah a kipiangsak na khempeuh a kiliah a ki-im thei om loin kimu sinsen hi.

Johan 21:17

Jesu in a thum veina dong leuleu a, “Johanʼ tapa Simon aw, kei na hong it hiam?” a cih ciangin, “Kei na hong it hiam?” ci-in thum vei tak a dotna hangin Peter zong a dah suak hi. Tua ahih manin, “Topa aw, nangmah in na khempeuh na thei a, nangmah ka hong itna thu zong na thei hi,” ci-in a dawn ciangin Jesu in, “Ka tuute na kem in.

Marka 7:21

Bang hang hiam cih leh mihingteʼ lungsim sung panin nungak tangval mawhnopna, guktaakna, mi thahna, zilepasal nei sate tawh mawhnopna,

Isaiah 55:7

Migilo in ama gitlohna nusia henla, thuman lo mi in ama ngaihsutna nusia hen. Amah in a hehpih theih nadingin Topa eiteʼ Pasianʼ kiangah amah paisak un. Bang hang hiam cih leh a mawhna maisiangsak ding hi.

Paunak 24:9

Mihaiteʼ vaihawmna in khialhna bek piangsak lel a, mi a simmawh theite midangte in mudah uh hi.

Paunak 15:26

Topa in migiloteʼ ngaihsutna kihhuai sa a, midikteʼ kampaunate hoih a sa hi.

1 KHANG TANGTHU MASATE 29:17

Nangmah in lungsim en telin thumanna ah na lungkimna ka thei hi, ka Pasian aw. Lungsim thumanna le citna tawh hih nate khempeuh kong pia khin a, tu-in nang tungah citna le lungdamna tawh a hong pia, hih lai ah a om na mite ka mu zo hi.

Mangmuhna 2:23

Tua numeiʼ thu a zui mi khempeuh ka that ding hi. Tua hileh, mihingteʼ ngaihsutna le lungsim a kantel pa ka hihna thu pawlpi khempeuh in thei ding uh hi. Noteʼ gamtatna ciat tawh kizui-in ka hong thukkik ding hi.

Mattiu 12:15

Jesu in amah a kisawmna thu a theih ciangin tua mun panin a paikhia hi. Mi tampi in amah hong zui uh hi. Amah in cina mi khempeuh damsak a,

Mattiu 16:7

Tua ciangin nungzuite in, “Anlum i puak mangngilh manin hih thu hong gen hi ding hi,” ci-in amaute khatlekhat a kikum uh hi.

Marka 2:7

“Bang hangin hih mipa, Pasian tawh a kikim bangin kingaihsunin hih bangin pau ngam ahi hiam? Pasian sim loh kuamah in mawhna maisak thei lo hi,” ci-in a ngaihsun uh hi.

Marka 2:9

Hih khutlekhe zaw mipa kiangah, ‘Na mawhna hong kimaisak khin hi,’ cih ding le, ‘Tho-in na lupna pheek la inla pai dih in,’ cih ding koi baih zaw ahi hiam?