Marka 2:7 - Tedim Bible Revision 2017

⁷ “Bang hangin hih mipa, Pasian tawh a kikim bangin kingaihsunin hih bangin pau ngam ahi hiam? Pasian sim loh kuamah in mawhna maisak thei lo hi,” ci-in a ngaihsun uh hi.

Tedim Bible

⁷ “Hih pa in bang hangin tua bangin a gen hiam? Pasian tungah a pau khial hi. Pasian longal kua in mawhna maisak zo hiam?” ci-in amaute’ sinsung uh ah a ngaihsun uh hi.

Marka 2:7 Referans Kwoze

Isaiah 43:25

Na thupalsatnate hong paih khiatsak pa pen keimah ka hi a, kei ka hih manin na khialhnate ka ciamteh kei ding hi.

Luka 5:21

Tua ciangin Thukham hilh siate le Farisi mite in a lungsim sung uh ah, “Hih bangin Pasian tawh a kikimin a pau ngam mipa kua ahi hiam? Mihing kuamah in mawhna maisak thei lo a, Pasian bek in maisak thei hi,” a ci uh hi.

Micah 7:18

Topa aw, nang tawh a kibang Pasian dang om lo a, a om lai na miteʼ mawhna nangmah in na maisak hi. Nang na heh paisuak kei a, na itna kip nong lak hi.

Daniel 9:9

Nang pen hehpihna tawh kidimin mawhna na maisak a, ahih hangin kote in nang ka hong langpan uh hi.

Luka 7:49

Tua ciangin Jesu tawh sabuai ah an a nekhawm midangte in a lungsim sung uh ah, “Mawhna nangawn a maisak hih mipa kua ahi hiam?” a ci uh hi.

Late 130:4

Ahih hangin nangmah hong kizahtak theih nadingin nangmah in mawhna na maisak hi.

JOB (Job) 14:4

Mihing banga a ninte sung panin a siang hong piang lo ding hi.

Johan 10:33

mihonte in, “Nasep hoih na sep manin hong deng nuam ka hi kei uh a, Pasian na simmawh bawl manin hong deng nuam ka hi uh hi. Nang pen mi hi lel hi napi-in Pasian na kineih nuam hi,” ci-in a dawng uh hi.

Marka 14:64

Pasianʼ tungah a paukhialhna na za zo uh hi. Bangci ngaihsut na hi uh hiam?” a ci hi. Hih mipa thah dingin kilawm hi, ci-in amaute khempeuh in thu a khen uh hi.

Mattiu 26:65

Tua ciangin siampi lianpen pa in a puan bal kek a, “Pasianʼ tungah a pau khial zo hi. Bang thudang kisam nawn ahi hiam? A paukhialhna na za uh hi.

Mattiu 9:3

Tua ciangin Thukham hilh siate pawl khat in a lungsim uh ah, “Pasian tawh a kikim bangin kampau ahih manin hih mipa in Pasian a dem ahi hi,” ci-in a ngaihsun uh hi.

Johan 10:36

Tua ahih manin kei pen Pa Pasian in hong teelin leitungah a hong sawl ka hih manin, ‘Pasianʼ Tapa ka hi hi,’ ka cih ciangin bang hangin Pasian simmawh bawl hong cithei na hi uh hiam?

Marka 2:6

Tua lai ah a om, Thukham hilh siate pawl khat in a lungsim sung uh ah,

Marka 2:8

Jesu in a lungsim sung uh a amau ngaihsutna thei pah ahih manin amaute kiangah, “Bang hangin tua bangin ngaihsun na hi uh hiam?