Marka 2:20 - Tedim Bible Revision 2017

²⁰ Ahi zongin amaute kiang panin zineipa a kipaikhiat pih hun hong tung dinga, tua hun a tun ciangin an ne loin a om ding uh hi.

Tedim Bible

²⁰ Ahih hangin, zipipa in a lawmte tawh a kikhen ni hong tung ding hi. Tua ni ciangin amaute in an nek a tang ding uh hi.

Marka 2:20 Referans Kwoze

Luka 17:22

Tua ciangin Jesu in nungzuite kiangah, “Ni khat ni ciangin Mihing Tapa ni khat sung bek nangawn na muhnop hun uh hong tung dinga, ahi zongin na mu kei ding uh hi.

Mangmuhna 21:9

Tua ciangin gimna nunung sagihte a dimin a om hai sagih a tawi vantungmi sagihte sung panin khat kei kiangah hong pai-in thu hong gen a, “Hong pai in; Tuuno zi, a Mothak kong lak ding hi,” hong ci hi.

Mangmuhna 19:7

Tuunoʼ zi neih ding hun hong tung ta a, a Lawmnu a kithawi sa-in om khin ahih manin lungdam kipakin amah phat ni.

2 KORIN NIHNA 11:27

Nasem silbawlin ki-om tawntung a, ihmu man lo liangin zong ka om zel hi. Gilkial dangtakin ka om zel a, annek ding nei lo, giah nading om lo, puansilh ding nei loin ka om hun tampi a om hi.

2 KORIN NIHNA 11:2

Pasian in hong aam mahmah bangin note ka hong aam mahmah hi. Nungak le tangval nupa dingin a kigawm mah bangin khat bek ahi Khris tawh a kigawm dingin nungak siangtho bang na hi uh hi.

1 KORIN MASA 7:5

Thungetna-in hun na zat theih nadingun tawl khat sung tuam om ding thukim khawm masa lopi-in lup khop ding kinial kha kei un. Tua bangin tawl khat sung na tuam om khit uh ciangin noteʼ pumpiʼ deihna hangin Satanʼ ze-etna sungah na puk khak loh nadingun a ngeina bangin lup khop ding kipankik un.

Sawltak 14:23

Khua pawlpi simah pawlpi upa ding sehsak uh a, an tangin thungetna tawh amauteʼ muan ahi Topaʼ khut sungah tua mite a ap uh hi.

Sawltak 3:21

Pasian in ama kamsang mi siangthote tungtawnin tanglai-in a gen kholh sa bangin, na khempeuh a thakin a kibawl hun dong mateng vantungah Jesu a om ding ahi hi.

Sawltak 1:9

Hih thu a gen khit ciangin amauteʼ muh tangpi mahin vanah Jesu kila to a, meiipi in liah ahih manin amah mu thei nawn lo uh hi.

Johan 17:13

Tu-in nangma kiangah a hong pai ta ding ka hih manin keimah bangin amaute in lungdamna cingtaak a neih theih nadingun leitungah ka om lai-in hih thute a gen ka hi hi.

Johan 17:11

Tu-in nangma kiangah kei a hong pai ta ding ka hih manin leitungah ka om nawn kei dinga, ahi zongin amaute a om lai ding uh ahi hi. Tua ahih manin a Siangtho ka Pa aw, nang le kei pum khat ihih mah bangin amaute zong pum khat ahih nadingun na vangliatna tawh hoihtakin na kem in.

Johan 16:28

Pa kiang panin hong pai-in leitung a hong tung ka hi a, tu-in leitung nusia leuleu-in Pa kiang a zuankik ding ka hi hi,” a ci hi.

Johan 16:7

A taktakin ci lehang, kei paikhia kei leng note hong Huh ding pa hong pai lo dinga, kei paikhia leng note hong Huh ding pa hong sawl ding ka hih manin kei va paikhia leng note adingin hoih zaw tham hi.

Johan 13:33

Ka tate aw, note tawh sauvei ka hong om khawm nawn kei ding hi. Note in kei na hong zong ding uh a, ahi zongin Jerusalem khua-a Jew uliante kiangah, ‘Ka paina munah na hong pai thei kei ding uh hi,’ ci-in ka gen mah bangin note kiangah zong tu-in kong gen hi.

Johan 3:29

Mo pen zi nei ding tangvalpa ading bek ahi hi. Zineipa kiangah a ding a lawmpa in ama kampau ding bek ngai a, ama awging a zak ciangin nuam mahmah hi. Tua mah bangin tu-in ama hangin ka nuam a, keima lungdamna kicing ta hi.

Mattiu 26:31

Tua ciangin Jesu in amaute kiangah, “Lai Siangtho sungah, ‘Tuucingpa ka sat lum dinga, a tuute kithehthang ding hi,’ ci-in a kigelh mah bangin note khempeuh in tu nitakin kei na hong taisan mang khin ding uh hi.

Zekhariah 13:7

“Namsau aw, ka tuucingpa a su dingin kipan inla, kei tawh nasem khawm pa langpang in. Tuucingpa sat in. Tuute kithehthang dinga, ka tuute gim ka pia ding hi.

Isaiah 62:5

Bang hang hiam cih leh tangval in nungak khat a teenpih mah bangin nang hong lam pa in nang hong teenpih dinga, zipi pa mothak nu tungah a lungdam mah bangin nang tungah na Pasian lungdam ding hi.

Isaiah 54:5

Bang hang hiam cih leh nangmah hong Bawlpa pen nang adingin na pasal bang hi dinga, ama min pen Vanglian Topa ahi hi. Israel-teʼ Siangtho Pa pen nang hong hon khia pa hi a, amah pen leitung buppiʼ Pasian a kici hi.

Solomon la 3:11

Jerusalem nungakte aw, hong pai unla, Kumpi Solomon en dih ve un. A zi neih ni, a lungdam ni-a, a nu in amah a khuksak Kumpi lukhu hong khu hi.

Late 45:11

Na melhoihna hangin kumpipa in hong deih ding hi. Na topa ahih ciangin ama mai ah kun in.

2 KORIN NIHNA 6:5

Kote hong kisatin, thong ah hong kikhia-in, mihonpi in hong hih gawp uh hi; nakpi takin na semin, an ne lo, ihmu lo liangin ka om uh hi.

Johan 12:8

Mizawngte pen note tawh hong om khawm niloh dinga, kei ka hih leh note tawh ka hong om khawm tawntung kei ding hi,” a ci hi.

Mattiu 9:15

Jesu in amaute kiangah, “Mopina pawi khat ah, a zineipa a om sungin a mopawi simte dah dingin um na hi uh hiam? Dah het lo ding uh hi. Ahi zongin amaute kiang panin zineipa a kilakkhiat ding hun hong tung dinga, tua hun ciangin amaute in an a tang ding uh hi.

Marka 2:19

Jesu in, “Mopawi a siim mite in an ne lo dingin um na hi uh hiam? Zineipa tawh a om khawm sung uh an ne loin om lo ding uh hi.

Marka 2:21

“Kuamah in puan tungsilh lui phop nadingin a ton nai lo puan bek a thak zang ngei lo hi. Zang zenzen leh a puan bek thak in a puan lui bal kek dinga, a vang gol zawsop ding hi.

Luka 5:35

Amaute kiang panin zineipa a kipaikhiat pih hun hong tung dinga, tua hun ciangin tang ding uh hi,” ci-in a dawng hi.