Marka 2:16 - Tedim Bible Revision 2017

¹⁶ Hih thukham khialte le siahdongte tawh Jesu in an a nekkhopna Farisi mite sung panin Thukham hilh siate pawl khat in a muh uh ciangin a nungzuite kiangah, “Bang hangin hih bang mite tawh an nekhawm ahi hiam?” ci-in a dong uh hi.

Tedim Bible

¹⁶ Zeisu in mawhneite leh siahdongte tawh an a nek khawm Farisaite leh laitheite in a muh uh ciangin, a nungzuite kiangah, “Amah in siahdongte leh mawhneite tawh bang hangin an nekhawm, tui dawnkhawm ahi hiam?” a ci uh hi.

Marka 2:16 Referans Kwoze

Luka 19:10

Bang hang hiam cih leh a mangthangte a zong ding le a hon khia dingin Mihing Tapa a hong pai ahi hi,” a ci hi.

Luka 18:11

Farisi mipa dingin thu ngen a, ‘Pasian aw, kei pen midangte bangin a huaiham, a thuman lo, numei tungah a mawh mi ka hi kei hi; hua lai-a siahdongpa bang hi lo ka hih manin nangma tungah ka nuamna kong pulak hi.

1 KORIN MASA 2:15

Kha Siangtho a nei mite in na khempeuh theithei uh a, ahi zongin leitung mite in bangmah thei lo uh ahih manin a lungmang uh hi.

Sawltak 23:9

Amauʼ kitotna awging hupha semsem a, Farisi mite pawl sung a om Thukham hilh siate pawl khat hong dingin nakpi takin hong pau uh a, “Hih mipa tungah khialhna them khat zong om lo hi. Vantungmi ahi a, Pasianʼ sawl khat peuhpeuh in ahi zongin ama tungah thu a gen hi kha thei ding hi,” a ci uh hi.

Luka 19:7

Hih thu a thei mi khempeuh phun uh a, “Mimawh paʼ inn ah a giak dingin Jesu a pai hi,” a ci uh hi.

Isaiah 65:5

“Note kiang panin kote hong kituam koih ahih manin kihem khia unla, ko kiangah hong pai kei un,” ci-in midangte tungah a gen mite - hih bang mite khempeuh a sang dingin a beisa hun sungah ka kiging tawntung hi. Hih bang mite ka thuak zo nawn kei hi. Amaute tungah ka hehna pen a mit ngei lo meikuang tawh kibang hi.

Hebru 12:3

Tua zahta-in mawhnei miteʼ langbawlna a thuaknate ngaihsun unla, note lungkia loin khauh takin om un.

Marka 2:7

“Bang hangin hih mipa, Pasian tawh a kikim bangin kingaihsunin hih bangin pau ngam ahi hiam? Pasian sim loh kuamah in mawhna maisak thei lo hi,” ci-in a ngaihsun uh hi.

Mattiu 18:17

Amah in tua miteʼ thu a man nop kei leh pawlpite tungah a thu ko un. Pawlpiteʼ thu nangawn a man nop kei leh Gentail mite le siahdongte bangin na ngaihsun un.

Mattiu 9:11

Farisi mite in hih thu a muh uh ciangin Jesu nungzuite kiangah, “Bang hangin na siapa un siahdongte le thukham khialte tawh an nekhawm ahi hiam?” a ci uh hi.

Mattiu 5:46

Tua ahih manin no hong itte bek na it uh leh Pasian in bang thaman hong pia zenzen ding ahi hiam? Siahdongte nangawn in amau a itte it thei uh hi.

Marka 2:15

Tua nung ciangin Jesu in Leviʼ inn ah an a va ne hi. Siahdong mi tampi le thukham a khial mi tampite in Jesu zui uh a, amaute tampi in Jesu le a nungzuite tawh an a nekhawm uh hi.

Luka 5:30

Amaute sung panin Farisi mite le Thukham hilh siate pawl khat nungzuite tungah phun uh a, “Bang hangin siahdongte le mawhneite tawh an nekhawm tui dawn khawm na hi uh hiam?” ci-in a dong uh hi.