Marka 2:15 - Tedim Bible Revision 2017

¹⁵ Tua nung ciangin Jesu in Leviʼ inn ah an a va ne hi. Siahdong mi tampi le thukham a khial mi tampite in Jesu zui uh a, amaute tampi in Jesu le a nungzuite tawh an a nekhawm uh hi.

Tedim Bible

¹⁵ Zeisu in Levi’ inn sungah an a nek lai takin siahdongte leh mawhnei tampite in Zeisu leh a nungzuite tawh a tukhawm uh hi. Bang hang hiam i cih leh, mi tampite in a nung a zui uh hi.

Marka 2:15 Referans Kwoze

Luka 15:1

Khat vei, Jesuʼ thugen a ngai dingin siahdongte le mawhneite tampi tak a hong pai uh hi.

Luka 6:17

Tua mual tung panin Jesu le a nungzui teelte pai suk uh a, a nung a zui midang tampite tawh mun zang khat ah a ding hi. Jerusalem khua le Judea gam khempeuh le tuipi gei-a om Taia khua le Sidon khuapite panin a hong pai mihon tampi zong hong om uh hi.

Mattiu 5:46

Tua ahih manin no hong itte bek na it uh leh Pasian in bang thaman hong pia zenzen ding ahi hiam? Siahdongte nangawn in amau a itte it thei uh hi.

Marka 2:14

Tua bangin a paina ah Alfeas tapa Levi, a siahdonna zumah tu-in a om a mu hi. Jesu in ama kiangah, “Kei hong zui in,” a ci hi. Levi zong dingin Jesuʼ nung a zui pah hi.

Marka 2:16

Hih thukham khialte le siahdongte tawh Jesu in an a nekkhopna Farisi mite sung panin Thukham hilh siate pawl khat in a muh uh ciangin a nungzuite kiangah, “Bang hangin hih bang mite tawh an nekhawm ahi hiam?” ci-in a dong uh hi.